Алишер Усмонов «Вести в субботу» дастурига Ўзбекистонда олиб борилаётган ислоҳотлар ҳақида интервью берди.
«Мамлакат, агар турғунликдан кейин бўлмаса, совет иқтисодиётидан қолган қийин меросдан кейин, биринчи марта ҳақиқий иқтисодий ислоҳотларни бошлади. Ушбу ислоҳотларнинг ташаббускори, биринчи навбатда, ўз аҳолисининг фаровонлигини ошириш, шунингдек, Марказий Осиё мамлакатлари ва Россия билан дўстлик ва қўшничиликни мустаҳкамлаш бўйича бошқарувни қўлга олган давлат раҳбари (Шавкат Мирзиёев) ҳисобланади. Бу мамлакатнинг қачонлардир бирга бўлган ғоявий ва синфий иттифоқдошларини бирлаштирадиган катта иқтисодий лойиҳаларнинг ҳам бошланишдир», дея ўз фикрини билдирган Алишер Усмонов.
Алишер Усмонов Ўзбекистондаги қайси соҳаларга инвестиция киритиш кераклигига ҳам тўхталди.
«Биринчидан, бу пахта, мева ва сабзавотларни қайта ишлашни чуқурлаштириш ва ўзбек ери тўла бўлган қазилма бойликларини ўзлаштириш ҳисобланади. Бу шунчаки ресурсларни қазиб чиқариш эмас. Чунки Ўзбекистон ҳудудидаги фойдали қазилмалар, авваламбор, рангли металлардир», - дейди бизнесмен.
Эслатиб ўтамиз, Президент Шавкат Мирзиёев Халқ депутатлари Наманган вилояти кенгашининг навбатдан ташқари сессиясида Алишер Усмонов ўз ҳисобидан Ўзбекистонга 500 минг вакцина олиб бериши тўғрисида маълум қилган эди.
Изоҳ қолдириш