50 tonnadan ortiq o‘zbek gilosi koreyaliklar dasturxonidan joy oladi
O‘zbek giloslari Janubiy Koreya bo‘ylab mamlakat ulgurji va chakana savdo tarmoqlari orqali tarqatiladi.
1 iyun kuni "O‘zbekiston havo yo‘llari" AJ aviakompaniyasining charter yuk reysi Farg‘onadan to‘g‘ridan-to‘g‘ri Janubiy Koreyaning Inchxon shahriga 50 tonnadan ortiq gilosning navbatdagi partiyasini yetkazib berdi, deb xabar bermoqda “Dunyo” AA.
Farg‘ona viloyatida yetishtirilgan gilos “UZ-SEGANG” qo‘shma korxonasi tomonidan Janubiy Koreyaning hamkor “Sunfinite Co., Ltd.” kompaniyasiga yetkazilgan. O‘zbek giloslari o‘sha yerdan butun Janubiy Koreya bo‘ylab mamlakat ulgurji va chakana savdo tarmoqlari orqali tarqatiladi.
Aytish joizki, mamlakatimizning Seuldagi diplomatiya vakolatxonasi xodimlari o‘zbek mahsulotlarini Koreya Respublikasi bozoriga chiqarishda izchil faoliyat olib bormoqda.
Izoh qoldirish