MB Boshqaruvining qarori bilan ular tomonidan kassa operatsiyalarini amalga oshirish qoidalariga tegishli o‘zgartirishlar kiritildi (ro‘yxat raqami 1719-3, 6.11.2019 yil).
Xususan, quyidagilar bekor qilindi:
Kassa xonalariga moddiy javobgar shaxslarning biometrik belgilariga: barmoq izi, ko‘z gavhari, tovush diapazoni va boshqalarga qarab identifikatsiya qilishga qodir bo‘lgan eshiklar o‘rnatilishi mumkin.
Bundan tashqari, kassadagi naqd pul qoldig‘ining belgilangan limitidan ortiqcha bo‘lgan qismini bankdagi hisobvaraqlarga kiritish uchun bankka topshirish tartibi to‘g‘risidagi bandga tuzatish kiritildi. Lombardlar va mikrokredit tashkilotlari naqd pullarni inkassatsiya xizmatlari orqali yoki mustaqil ravishda topshirishlari belgilandi. Eslatib o‘tamiz, 2018 yil 1 noyabrdan quyidagi qoidalar amal qilmoqda: xo‘jalik yurituvchi sub’yektlar naqd pulni kunlik o‘rtacha naqd pul tushum 20 BHMdan ortiq bo‘lganda har kuni, kam bo‘lganda esa o‘zlari belgilagan muddatlarda topshiradilar.
Izoh qoldirish