Sirdaryoda koronavirusdan kasallangan bemorlarga tibbiy yordam ko‘rsatish markazida kislorod baloni yorilib ketdi

Sirdaryoda koronavirusdan kasallangan bemorlarga tibbiy yordam ko‘rsatish markazida kislorod baloni yorilib ketdi

Bugun 7 oktyabr kuni soat 08:13 da Sirdaryo viloyati Guliston shahridagi Alpomish sport majmuasida tashkil etilgan koronavirus infeksiyasiga gumon qilingan yoki kasallangan bemorlarga tibbiy yordam ko‘rsatish, saralash va taqsimlash markazida kislorod balloni yorilishi sodir bo‘ldi. Bu haqda FVV matbuot xizmati xabar qildi.

Hosil bo‘lgan kinetik zarba to‘lqinidan bino oynalari parchalanib, bir nafar fuqaroga tan jarohati yetgan.

"Ta’kidlash joizki, zudlik bilan viloyat Favqulodda vaziyatlar boshqarmasi va boshqa tegishli xizmatlarning xodimlari voqea joyiga yetib borib, fuqarolarni xavfsiz hududga ko‘chirdilar. Mazkur hodisa oqibatida vafot etgan fuqarolar yo‘q. Vaziyat to‘liq nazoratga olingan", deyiladi xabarda.

Maqolani ulashing

O'xshash yangiliklar