Иқтисодий тадқиқотлар ва ислоҳотлар маркази Ўзбекистон автомобил бозорининг 2024 йил сентябрь ойидаги ҳолатини таҳлил қилди, натижаларини эса тақдим этди.
2024 йил сентябрь ойида Ўзбекистонда автотранспорт воситаларининг умумий савдоси 110,1 минг донани ташкил этди, бу ўтган ойга нисбатан 1,1%га кам. Фаолликнинг сезиларли пасайиши йиллик ҳисобда 25,5% кузатилмоқда.
Сентябрь ойида енгил автомобиллар савдоси 0,3%га бир оз пасайди ва 101,6 минг донани ташкил этди.
Ўтган йилга нисбатан сезиларли пасайиш кузатилмоқда: енгил автомобиллар савдоси 25,5%га камайди.
Ҳудудлар бўйича енгил автомобиллар савдоси шуни кўрсатадики, сентябрь ойида энг катта пасайиш Андижон – 9,1%, Қашқадарё – 7,9% ва Тошкент – 7,7% вилоятларида қайд этилган.
Жорий йилнинг III чорагида автомобиллар савдоси 295,6 мингтани ташкил этди, шу даврга нисбатан йиллик пасайиш 26,8%ни ташкил этди.
Бирламчи автомобил бозоридаги вазият
Енгил автомобиллар бирламчи бозорида сотувлар ўтган ойга нисбатан 10,3%га ошди, бу аввалги ойга нисбатан қарийб 3,8 мингта автомобилни ташкил этади. Йиллик кўрсаткичларда фаоллик барқарорлашмоқда, август ойида савдонинг пасайиши 1% даражасида бўлса, сентябр ойида 7,7% ўсиш кузатилди.
Маҳаллий ишлаб чиқарилган янги автомобиллар савдоси ўсишда давом этмоқда. Сентябрь ойида сотувлар 10,8%га ўсиб, 37,6 мингта автомобилни ташкил этди. Йиллик ҳисобда ўсиш 12% ни ташкил етди.
Хорижий енгил автомобиллари сегменти ўсиб бормоқда
Ўзбекистонда хорижий енгил автомобиллар бозори ўсишда давом этди. Август ойида ушбу сегментдаги савдо 25,6%га ошган бўлса-да, сентябрь ойида ўсиш 4,5%га секинлашди ва 3,3 минг донани ташкил этди.
Енгил автомобилларнинг иккиламчи бозори
Енгил автомобилларнинг иккиламчи бозоридаги вазият сотувлар ўсишининг секинлашишини кўрсатди ва сотиш ҳажмининг йиллик пасайиши тенденциясини сақлаб қолди.
Хусусан, сентябр ойида автомобиллар иккиламчи бозоридаги фаоллик ўтган ойга нисбатан 6,3%га камайди. Ҳисобот даврида ушбу сегментда 60,5 мингта автомобил сотилган. Умуман олганда, йил давомида сотувлар 38,4%га камайди.
Енгил электромобиллар воситалари сегменти фаолликнинг ошишини кўрсатади. Сотиш ҳажми рекорд даражада 2,4 баравар ошди, бу бутун кузатув давридаги энг катта ўсишдир. Сентябрь ойида 4,24 мингта электромобиллар сотилган, август ойида эса 1,7 минг дона сотилган.
Ҳудудлар бўйича савдоларнинг энг катта ўсиши Тошкент шаҳрида – 3180 дона, Тошкент – 285 дона ва Андижон вилоятларида – 119 дона қайд этилди.
Йиллик ўлчовда электр транспорт воситаларининг савдоси деярли 17%га ошди.
Шу йилнинг III чорагида енгил электр транспорт воситаларини сотиш 9,3 мингтани ташкил этди ва ўтган йилнинг шу даврига нисбатан 5,6%га камайди.
Иқтисодий тадқиқотлар ва ислоҳотлар маркази
Жамоатчилик билан алоқалар бўлими
Изоҳ қолдириш