Иқтисодий тадқиқотлар ва ислоҳотлар маркази барчани сўровда фаол қатнашишга чақиради

Иқтисодий тадқиқотлар ва ислоҳотлар маркази барчани сўровда фаол қатнашишга чақиради

Иқтисодий тадқиқотлар ва ислоҳотлар маркази жамоатчилик фикрини ўрганиш мақсадида сўров ўтказмоқда.

Аввал хабар қилинганидек, Иқтисодий тадқиқотлар ва ислоҳотлар маркази ўтган йилнинг ноябрь ойидан бошлаб Ўзбекистоннинг Евроосиё Иқтисодий Иттифоқига (ЕОИИ) аъзо бўлишининг иқтисодий моделлаштириш ва иқтисодий таҳлил усулларидан фойдаланган ҳолда тадқиқот олиб бормоқда.

Тадқиқот натижаларини жамоатчиликка кенг ёритиш мақсадида Марказ мутахассислари 2020 йилнинг 8-11 январь кунлари республикамизнинг 14 та етакчи университетларида талабалар, ОАВ вакиллари ва блоггерлар билан учрашувлар ташкил этишди. Тадқиқот натижаларини «Экономическое обозрение» журналининг сайти review.uzда ўқишингиз мумкин. Ушбу тадқиқот бўйича инфографика ва таҳлилий мақолалар жойлаштирилган.

Тақдимотда ЕОИИ доирасидаги интеграцион жараёнларнинг таъсирини баҳолаш ва батафсил таҳлил қилиш, хусусан, Ўзбекистоннинг иқтисодиёт тармоқлари шароитида ЕОИИга аъзо бўлиши мумкин бўлган таъсири бўйича материаллар келтирилган.

Таҳлиллар шуни кўрсатадики, ЕОИИ зонасида умумий ҳаво транспорти бозорини яратиш 2025 йилдан бошлаб кўзда тутилган. Шу боис, ЕОИИ умумий ҳаво транспорти бозорини яратиш доирасида 2025 йилдан бошлаб авиация инфратузилмасидан фойдаланиш учун тенг тариф ва шарт-шароитларни яратиш керак бўлади.

Темир йўл транспортида импорт юкларни ташиш ҳажми 10-15% ошиши кутилмоқда. Шу билан бирга, Россия ва Қозоғистон ҳудуди орқали Ўзбекистонга товарлар транзити учун ягона тарифларни ЕОИИ мамлакатларига қўллаш туфайли юк ташувчи концернларнинг транспорт харажатлари 221,6 млн.долларга қисқаради. Ўзбекистон томонидан экспорт ва импорт қилинадиган товарларнинг якуний таннархидаги транспорт компонентининг улушини камайтиради.

Қозоғистондан арзон дизел ёқилғиси кириши имконияти пайдо бўлганда, ёқилғи нархининг 20% гача пасайиши кутилмоқда, бу эса юк ташувчиларга йилига 20 миллион долларни тежашга имкон беради.

Ўзбекистоннинг Евроосиё иқтисодий иттифоқига аъзо бўлиши билан Ўзбекистонда боғдорчилик ва қайта ишланган қишлоқ хўжалиги маҳсулотлари экспортини оширишга ёрдам берадиган чегаралардаги кераксиз талаб ва тўсиқларни бартараф этиш орқали етказиб бериш логистикасини яхшилайди, тез бузиладиган маҳсулотлар учун савдо ва транзит тартиби соддалаштирилади.

Йирик шоҳли ва майда шоҳли қорамоллар, парранда гўшти ва парранда гўшти ишлаб чиқарувчи корхоналар ЕОИИ мамлакатларидан арзон ва сифатли озуқа маҳсулотлари олиш имкониятига эга бўлади. Бу ишлаб чиқариш таннархини пасайтиради ва Ўзбекистонда чорвачилик саноатининг рақобатбардошлигини оширади. Йирик шоҳли ва майда шоҳли молларни ва гўшт маҳсулотларни ЕОИИ мамлакатларига олиб киришга қўйилган тақиқларнинг олиб ташланиши уларни Ўзбекистон бозорига етказиб беришни кўпайишига олиб келади. Йирик шоҳли ва майда шоҳли моллар ва гўшт маҳсулотлари импорти кўпаяди, бу эса ички нархларнинг пасайишига олиб келади.

Учрашувда иштирокчилар Ўзбекистоннинг ЕОИИга аъзо бўлиши ҳақида саволлар беришди. Марказ мутахассислари йиғилиш иштирокчиларининг барча саволларига имкон қадар батафсил жавоб бердилар, шунингдек, жамоатчилик фикрини янада ўрганиш учун сўров ўтказдилар.

Сўровда иштирок этиб, Ўзбекистоннинг Евросиё иқтисодий иттифоқи ва Жаҳон савдо ташкилотига аъзо бўлиши ҳақида ўз фикрингизни қуйидаги ҳавола орқали билдиришингиз мумкин:

Иқтисодий тадқиқотлар ва ислоҳотлар маркази
Жамоатчилик билан алоқалар хизмати

Мақолани улашинг

Ўхшаш янгиликлар