2025 йил ферваль ойида Ўзбекистоннинг ташқи савдо айланмаси (матнда ТСА) 10,8 млрд. долларни ташкил этди ва 2024 йилнинг февраль ойига нисбатан 973,3 млн. долларга ёки 9,9%га ўсди, деб хабар бермоқда Ўзбекистон Республикаси Миллий Статистика қўмитаси матбуот хизмати.
ТСАда экспорт ҳажми 4,6 млрд. долларни (2024 йилнинг февраль ойига нисбатан 27,7%га ўсган) ва импорт ҳажми 6,2 млрд. долларни ташкил этди.
Ҳисобот даврида -1,6 млрд. доллар қийматида манфий ташқи савдо баланси қайд этилди.
Ташқи савдо айланмаси бўйича 20 та йирик ҳамкор давлатлар орасида 3 та мамлакат –– Афғонистон, Қирғизистон ва Тожикистон билан фаолл ташқи савдо баланси кузатилмоқда, қолган 17 та давлат билан ташқи савдо балансининг салбий сальдоси сақланиб қолмоқда.
Ўзбекистон Республикаси жаҳоннинг 162 та мамлакати билан савдо алоқаларини амалга ошириб келмоқда. ТСАнинг нисбатан салмоқли ҳиссаси ХХРда (19,2%), Россияда (14,9%), Қозоғистонда (6,1%), Туркияда (3,9%) ва Афғонистонда (2,5%) қайд этилган.
Давлатлар гуруҳи бўйича ташқи савдонинг энг катта ҳажми МДҲ мамлакатларига - 3,4 млрд доллар, ЕОИИ мамлакатларига - 2,6 млрд доллар, бошқа давлатлар билан товар айирбошлаш - 7,5 млрд долларни ва Европа Иттифоқи мамлакатлари билан - 1,1 млрд долларни ташкил этди.
Изоҳ қолдириш