Кореялик экспертлар: Ўзбекистон раҳбарининг сиёсати Кореянинг “Иқтисодий ҳамкорликнинг янги шимолий сиёсати” асосий ҳамкори сифатидаги ролини мустаҳкамлашга хизмат қилади

Кореялик экспертлар: Ўзбекистон раҳбарининг сиёсати Кореянинг “Иқтисодий ҳамкорликнинг янги шимолий сиёсати” асосий ҳамкори сифатидаги ролини мустаҳкамлашга хизмат қилади

15 декабрь куни Корея Республикаси Сеул шаҳридаги Ханян университетида Ўзбекистон Республикаси Президенти Ш.М.Мирзиёевнинг Ўзбекистон Республикасига ташрифи муносабати билан “Ўзбекистон ва Жанубий Корея ўртасидаги стратегик ҳамкорлик” мавзусида илмий-амалий семинар бўлиб ўтди.

Корея Президенти томонидан ташкил этилган Шимолий иқтисодий ҳамкорлик қўмитаси кўмагида Осиё-Тинч океани тадқиқотлари маркази томонидан ташкил этилган тадбирда Корея Республикасининг 8 етакчи илмий-тадқиқот институти ва таҳлил марказларидан 25 нафардан ортиқ таниқли профессор-ўқитувчилар ва экспертлар иштирок этди. Ўзбекистон томонидан СТМИ, ИТИМ ва МОХИ етакчи таҳлилчилари иштирок этди.

Тадбирда икки давлатнинг сиёсий-дипломатик соҳадаги ҳамкорлиги, халқаро ва минтақавий даражадаги фаолиятни мувофиқлаштириш масалалари таҳлил қилинди. Инвестиция лойиҳаларини амалга ошириш жараёни ўрганилиб, савдо-иқтисодий ҳамкорликнинг истиқболли йўналишлари муҳокама қилинди. Давлат раҳбарларининг бўлажак саммити кун тартиби кўриб чиқилиб, икки томонлама мулоқотни чуқурлаштиришнинг истиқболли имкониятлари кўриб чиқилди.

Анжуман иштирокчиларининг вакиллик таркиби икки томонлама ҳамкорликнинг бугунги ҳолати ва истиқболлари юзасидан атрофлича фикр алмашишни олдиндан белгилаб берди, шунингдек, алоҳида стратегик шерикликни янада ривожлантириш бўйича ғояларни ишлаб чиқиш имконини берди.

Ханян университети қошидаги Осиё-Тинч океани тадқиқотлари маркази директори Ом Гу Хо ўзининг қутлов нутқида Ўзбекистон раҳбарининг Кореяга бўлажак ташрифи икки томонлама муносабатларни мустаҳкамлашда муҳим қадам бўлиб, кун тартибини янги кенг кўламли ҳамкорлик ташаббуслари билан бойитиш учун замин яратишини таъкидлади.

Унинг сўзларига кўра, Ўзбекистон Президенти Ш.М.Мирзиёев томонидан амалга оширилаётган ислоҳотлар мамлакатни Марказий Осиё минтақасидаги етакчи давлатга айлантирмоқда ҳамда аҳоли турмуш даражасини юксалтириш учун зарур шарт-шароит яратмоқда.

Ом Гу Хо Ўзбекистон раҳбарининг бундай сиёсати Корея Республикасининг “Иқтисодий ҳамкорликнинг янги шимолий сиёсати”нинг асосий ҳамкори сифатидаги ролини мустаҳкамлашга хизмат қилишини таъкидлади. Шу муносабат билан ташкил этилган семинар турли даражадаги барча қўшма тадбирларни кенгайтириш масалаларини муҳокама қилиш ва икки давлат манфаатларининг истиқболли “кесишув нуқталари”ни аниқлаш имконини беради.

Ўз навбатида, Ўзбекистон Республикаси Президенти ҳузуридаги Стратегик ва Минтақалараро Тадқиқотлар Институти директори ўринбосари Санжар Валиев бугунги кунда Ўзбекистон-Корея стратегик шериклиги бой ва самарали характер касб этганини таъкидлади.

СТМИ раҳбари ўринбосарининг сўзларига кўра, Президент Мун Чже Иннинг “Янги шимол сиёсати” Президент Шавкат Мирзиёевнинг “Янги Ўзбекистон” ривожланиш стратегияси билан ҳамоҳангдир. Бундан ташқари, Ўзбекистон раҳбари ташаббуси билан бошланган Марказий ва Жанубий Осиё ўртасидаги ўзаро алоқани тиклаш жараёни Сеулнинг янги Шимолий ва Жанубий сиёсатини боғлаш имконини беради.

Ўзбекистонлик эксперт таъкидлаганидек, бундай ташаббус юқори қўшилган қийматга эга маҳсулотларни етказиб беришнинг янги занжирларини яратиш орқали Ўзбекистон ва Жанубий Корея ўртасидаги савдо-иқтисодий алоқаларни мустаҳкамлашга хизмат қилади.

Умуман олганда, семинар рақамли иқтисодиёт, ақлли шаҳарларни ривожлантириш, яшил энергияга манбаларига ўтиш, коронавирус пандемиясига қарши кураш ва соғлиқни сақлаш тизимини модернизация қилиш каби соҳаларда икки томонлама ҳамкорликни ривожлантиришнинг устувор йўналишларини белгилаш, таълим алмашинувини кенгайтириш ва икки давлат ёшларининг ҳамкорлик платформаларини ташкил этиш, гуманитар алоқаларни мустаҳкамлаш имконини берди. Семинарда таъкидланганидек, Ўзбекистон-Жанубий Корея муносабатлари кун тартибининг бундай кенгайиши икки давлат ўртасидаги кўп қиррали ҳамкорлик истиқболига ҳар икки томонлама кўп фикрлилик асосида ҳолда қараш имконини беради.


Мақолани улашинг

Ўхшаш янгиликлар