«Энг яхши солиқ тўловчи маҳалла» номинацияси таъсис этилиб, у ташаббускор жамоаларни қўллаб-қувватлаш ҳамда маҳаллий бюджетни мустаҳкамлашга қаратилган бўлади.
Даромад солиғи тўловчилар сони
Танлов мезонлари:
Номинация ғолиблари маҳалла аҳолиси 1 000 нафарга нисбатан ҳисобланган шаффоф кўрсаткичлар тизими асосида аниқланади. Жумладан, қуйидагилар инобатга олинади:
- 1 000 нафар аҳолига тўғри келадиган кичик бизнес субъектлари сони;
- 1 000 нафар аҳолига тўғри келадиган кичик бизнес субъектлари томонидан тўланган солиқлар ҳажми;
- 1 000 нафар аҳолига тўғри келадиган жисмоний шахслардан даромад солиғи тўловчилари сони;
- 1 000 нафар аҳолига тўғри келадиган ўзини ўзи банд қилган фуқаролар сони ва улар томонидан тўланган солиқлар миқдори;
- маҳалла аҳолиси томонидан мулк солиғи ва ер солиғини тўлаш даражаси.
Бундай тизим тадбиркорлик ривожланишини, умумий солиқ маданиятини ва маҳаллаларнинг масъулиятини комплекс баҳолаш имконини беради.
Ғолиблар учун рағбатлантириш чоралари
«Энг яхши солиқ тўловчи маҳалла» деб топилган маҳаллалар учун қатор рағбатлантирувчи чоралар назарда тутилган, жумладан:
Бу эса бундай маҳаллаларга ўз фаоллигини йўқотмаган ҳолда дастурларда иштирок этишни давом эттириш имконини беради.
- агар маҳалла аҳолиси лойиҳа қийматининг камида 25%ини молиялаштирса, лойиҳа ғолиб деб топилади ва қолган 75% давлат бюджети ҳисобидан молиялаштирилади.
Бу тартиб аҳолини ўзаро ҳамкорликка, ўзини ўзи ташкил этишга ва давлат билан биргаликда лойиҳаларни амалга оширишга кучли рағбат яратади.
Шу билан бирга, фуқаролар йиғини қарорига асосан ажратилган маблағлар фақат маҳалла инфратузилмасини яхшилашга йўналтирилади, жумладан:
- ички йўлларни таъмирлаш;
- ичимлик суви таъминоти тизимини яхшилаш;
- электр таъминотини модернизация қилиш ва мустаҳкамлаш;
- кўча ёритгичларини ўрнатиш;
- аҳоли турмуш сифатини оширадиган бошқа инфратузилма лойиҳаларини амалга ошириш.
«Энг яхши солиқ тўловчи маҳалла» номинациясини жорий этиш ва янги рағбатлантириш чоралари қуйидагиларга қаратилган:
- кичик бизнес ва ўзини ўзи банд қилишни ривожлантиришни рағбатлантириш;
- солиқ интизомини мустаҳкамлаш;
- фуқароларнинг ўз ҳудудини ривожлантиришдаги иштирокини кенгайтириш;
- маҳаллий инфратузилма сифатини ошириш.
Ушбу чоралар маҳалланинг ижтимоий-иқтисодий ривожланишда фаол иштирокчи сифатидаги ролини кучайтириши ва давлат кўмаги мақсадли равишда етказилишига хизмат қилиши кутилмоқда.
Изоҳ қолдириш