Ўзбекистон банкларида энг фойдали сўмдаги офлайн омонатлар ҳақида шарҳ (2021 йил ноябрь)

Ўзбекистон банкларида энг фойдали сўмдаги офлайн омонатлар ҳақида шарҳ (2021 йил ноябрь)

Ҳозирда 32 та тижорат банкидан фақат 31 таси миллий валютада офлайн омонатлар таклиф қилмоқда. «Ўзагроэкспортбанк» банки томонидан вақтинчалик омонатлар таклиф этилмаяпти.

Сўмли омонатни очиш учун ўртача 100 мингдан 1 миллион сўмгача кичик маблағ талаб қилинади.

Натижаларига кўра, жисмоний шахсларга таклиф этиладиган қулай юқори фоизлар билан офлайн омонатлар бўйича Топ-10 банклар орасидан жой эгалаган банклар:

  • «Тибиси банк» (фоиз ставкаси - 23%, омонат муддати чекланмаган, минимал миқдори чекланмаган);
  • «Анор банк» (фоиз ставкаси – 19-27%гача, омонат минимал миқдори – 100 минг сўм, омонат муддати – 13 ой);
  • «Тенге банк» (қуйидаги шартларда омонатлар таклиф этилмоқда: йиллик фоиз ставка – 23%, омонат муддати – 13 ой, омнатнинг минимал қиймати – 1 млн. сўм).

Категориялар бўйича, кейинги Топ-10 банклар орасидан бир хил йиллик фоиз ставкаси (22%) билан қуйидаги банклар жой эгалаган :

  • «Универсал банк» (омонат минимал миқдори – 500 минг сўм, омонат муддати – 22 ой);
  • «Агробанк» (омонат минимал миқдори – 500 минг сўм, омонат муддати – 13 ой);
  • «Капитал банк» (омонат минимал миқдори – 1 млн. сўм, омонат муддати – 25 ой);
  • «Давр банк» (омонат минимал миқдори – 1 млн. сўм, омонат муддати – 13 ой);
  • «Хай-Тек банк» (омонат минимал миқдори – 1 млн. сўм, омонат муддати – 6 ой);
  • «Азия Алянс банк» (омонат минимал миқдори – 10 млн. сўм, омонат муддати – 18 ой).

Шу билан биргаликда, «Равнақ банк» Топ-10 банклар орасидан жой эгалашга мувофиқ бўлди. Унда банк қуйидаги шартларда миллий валютада омонатлар таклиф этмоқда: (фоиз ставкаси – 21,5%, омонат минимал миқдори – 500 минг сўм, омонат муддати – 36 ой).

Шу ўринда таъкидлаш керакки, тижорат банклари томонидан миллий валютада жисмоний шахсларга қулай офлайн омонатлар бўйича энг баланд ставкани «Тибиси банк» (23%), «Анор банк» (19-27%гача) ва «Тенге банк» (23%) тақдим этмоқда.

Энг паст ставка «Ориент Финанс банк» (15%) томонидан таклиф этилмоқда.

Бундан ташқари, қуйидаги банклар: «Туркистон банк», «Эрон Содерот банк», «Мадад инвест банк», «ЎзКДБ банк» томонидан омонатлар мижозлар билан келишилган ҳолда қабул қилинади.

Маълумот учун: Марказий банк маълумотларига кўра, шу йилнинг июнь ойигача, тижорат банклари томонидан миллий валютада жисмоний шахслардан жалб қилинган омонатлар 156 630,8 млрд. сўмни ташкил этган. Шунингдек, 2021 октябрь ҳолатига кўра тижорат банклардаги миллий валютада жисмоний шахсларга таклиф этилаётган омонтларнинг ўртача йиллик фоиз ставкаси олдинги ойга нисбатан пасайган бўлиб 19,6%ни (сентябрь – 20,3%) ташкил этди.

Маълумотлар, тижорат банкларининг веб-сайтларидан олинган бўлиб, омонат шартлари ўзгариши мумкин. Батафсил маълумот учун банкнинг веб-сайтига ташриф буюришингиз мумкин.

Мухаммаджон Рашидов,

Иктисодий тадқиқотлар ва ислоҳотлар маркази

Мақолани улашинг

Ўхшаш янгиликлар