O‘zbekiston banklarida eng foydali so‘mdagi oflayn omonatlar haqida sharh (2021 yil noyabr)

O‘zbekiston banklarida eng foydali so‘mdagi oflayn omonatlar haqida sharh (2021 yil noyabr)

Hozirda 32 ta tijorat bankidan faqat 31 tasi milliy valyutada oflayn omonatlar taklif qilmoqda. «O‘zagroeksportbank» banki tomonidan vaqtinchalik omonatlar taklif etilmayapti.

So‘mli omonatni ochish uchun o‘rtacha 100 mingdan 1 million so‘mgacha kichik mablag‘ talab qilinadi.

Natijalariga ko‘ra, jismoniy shaxslarga taklif etiladigan qulay yuqori foizlar bilan oflayn omonatlar bo‘yicha Top-10 banklar orasidan joy egalagan banklar:

  • «Tibisi bank» (foiz stavkasi - 23%, omonat muddati cheklanmagan, minimal miqdori cheklanmagan);
  • «Anor bank» (foiz stavkasi – 19-27%gacha, omonat minimal miqdori – 100 ming so‘m, omonat muddati – 13 oy);
  • «Tenge bank» (quyidagi shartlarda omonatlar taklif etilmoqda: yillik foiz stavka – 23%, omonat muddati – 13 oy, omnatning minimal qiymati – 1 mln. so‘m).

Kategoriyalar bo‘yicha, keyingi Top-10 banklar orasidan bir xil yillik foiz stavkasi (22%) bilan quyidagi banklar joy egalagan :

  • «Universal bank» (omonat minimal miqdori – 500 ming so‘m, omonat muddati – 22 oy);
  • «Agrobank» (omonat minimal miqdori – 500 ming so‘m, omonat muddati – 13 oy);
  • «Kapital bank» (omonat minimal miqdori – 1 mln. so‘m, omonat muddati – 25 oy);
  • «Davr bank» (omonat minimal miqdori – 1 mln. so‘m, omonat muddati – 13 oy);
  • «Xay-Tek bank» (omonat minimal miqdori – 1 mln. so‘m, omonat muddati – 6 oy);
  • «Aziya Alyans bank» (omonat minimal miqdori – 10 mln. so‘m, omonat muddati – 18 oy).

Shu bilan birgalikda, «Ravnaq bank» Top-10 banklar orasidan joy egalashga muvofiq bo‘ldi. Unda bank quyidagi shartlarda milliy valyutada omonatlar taklif etmoqda: (foiz stavkasi – 21,5%, omonat minimal miqdori – 500 ming so‘m, omonat muddati – 36 oy).

Shu o‘rinda ta’kidlash kerakki, tijorat banklari tomonidan milliy valyutada jismoniy shaxslarga qulay oflayn omonatlar bo‘yicha eng baland stavkani «Tibisi bank» (23%), «Anor bank» (19-27%gacha) va «Tenge bank» (23%) taqdim etmoqda.

Eng past stavka «Oriyent Finans bank» (15%) tomonidan taklif etilmoqda.

Bundan tashqari, quyidagi banklar: «Turkiston bank», «Eron Soderot bank», «Madad invest bank», «O‘zKDB bank» tomonidan omonatlar mijozlar bilan kelishilgan holda qabul qilinadi.

Ma’lumot uchun: Markaziy bank ma’lumotlariga ko‘ra, shu yilning iyun oyigacha, tijorat banklari tomonidan milliy valyutada jismoniy shaxslardan jalb qilingan omonatlar 156 630,8 mlrd. so‘mni tashkil etgan. Shuningdek, 2021 oktyabr holatiga ko‘ra tijorat banklardagi milliy valyutada jismoniy shaxslarga taklif etilayotgan omontlarning o‘rtacha yillik foiz stavkasi oldingi oyga nisbatan pasaygan bo‘lib 19,6%ni (sentyabr – 20,3%) tashkil etdi.

Ma’lumotlar, tijorat banklarining veb-saytlaridan olingan bo‘lib, omonat shartlari o‘zgarishi mumkin. Batafsil ma’lumot uchun bankning veb-saytiga tashrif buyurishingiz mumkin.

Muxammadjon Rashidov,

Iktisodiy tadqiqotlar va islohotlar markazi

Maqolani ulashing

O'xshash yangiliklar