Давлат ташқи қарзининг жорий ҳолати динамикасига бағишланган очиқ мулоқотда ташқи қарз ҳисобидан молиялаштириладиган лойиҳаларни танлаб олиш ва молиялаштиришни амалга ошириш устидан мониторинг ўрнатиш ҳамда лойиҳалар натижадорлигини таъминлаш бўйича олиб борилаётган саъй-ҳаракатлар ҳақида маълумотлар берилди
16 март куни бўлиб ўтган “Давлат ташқи қарзи: қарз маблағларини сарфлаш йўналиши ва лойиҳаларнинг самарадорлиги” мавзусидаги очиқ мулоқотда суверен халқаро облигациялардан тушган 2 трлн. сўм (қарийб 190 млн доллар) нималарга сарфланиши ҳақида маълумот берилди.
Суверен халқаро облигациялардан тушган 2 трлн. сўмнинг сарфланиши:
429,7 млрд. сўмга 25 та янги мактаб қуриш ва мавжуд 21 та мактабни реконструкция қилиш;
197,7 млрд. сўмни соғлиқни сақлаш (ушбу маблағлардан 3 та янги бино қуриш ва мавжуд 14 та тиббиёт муассасасини реконструкция қилиш) учун сарфлаш;
126 млрд. сўмдан 200 км дан ортиқ сув таъминоти тармоқлари ва иншоотлари қуриш;
1096,7 млрд. сўм йўл инфратузилмасини ривожлантириш, 300 км дан ортиқ йўлларни қуриш, реконструкция қилиш ва таъмирлаш;
149,8 млрд. сўм оғир ижтимоий вазиятга тушиб қолган аёллар ва оилаларга, ногирон аёлларга моддий ёрдам кўрсатиш, оила, оналик ва болалик институтини қўллаб-қувватлаш, аёлларга тадбиркорликни ривожлантириш учун имтиёзли кредитлар бериш, ишсизлик нафақаларини тўлаш учун режалаштирилган.
Изоҳ қолдириш