16 mart kuni bo‘lib o‘tgan “Davlat tashqi qarzi: qarz mablag‘larini sarflash yo‘nalishi va loyihalarning samaradorligi” mavzusidagi ochiq muloqotda suveren xalqaro obligatsiyalardan tushgan 2 trln. so‘m (qariyb 190 mln dollar) nimalarga sarflanishi haqida ma’lumot berildi.
Suveren xalqaro obligatsiyalardan tushgan 2 trln. so‘mning sarflanishi:
- 429,7 mlrd. so‘mga 25 ta yangi maktab qurish va mavjud 21 ta maktabni rekonstruksiya qilish;
- 197,7 mlrd. so‘mni sog‘liqni saqlash (ushbu mablag‘lardan 3 ta yangi bino qurish va mavjud 14 ta tibbiyot muassasasini rekonstruksiya qilish) uchun sarflash;
- 126 mlrd. so‘mdan 200 km dan ortiq suv ta’minoti tarmoqlari va inshootlari qurish;
- 1096,7 mlrd. so‘m yo‘l infratuzilmasini rivojlantirish, 300 km dan ortiq yo‘llarni qurish, rekonstruksiya qilish va ta’mirlash;
- 149,8 mlrd. so‘m og‘ir ijtimoiy vaziyatga tushib qolgan ayollar va oilalarga, nogiron ayollarga moddiy yordam ko‘rsatish, oila, onalik va bolalik institutini qo‘llab-quvvatlash, ayollarga tadbirkorlikni rivojlantirish uchun imtiyozli kreditlar berish, ishsizlik nafaqalarini to‘lash uchun rejalashtirilgan.
Izoh qoldirish