Fevral oyida O‘zbekistonda ishbilarmonlik faolligi indeksi sezilarli darajada jadallashdi

Joriy yilning fevral oyida IFI komponentlari darajasidagi quyidagi o‘zgarishlar kuzatildi:

- xo‘jalik yurituvchi sub’yektlarning bank hisob-varaqlaridagi operatsiyalar soni bo‘yicha komponent 22 foizga ortgan;

- tovar-xom ashyo birjasida xom-ashyo sotib olish jadalligi 10,6 foizga oshgan;

- faoliyat ko‘rsatayotgan xo‘jalik yurituvchi sub’yektlar bo‘yicha komponent 0,9 foizga ortgan;

- tovar belgilari bo‘yicha komponent 9,4 foizga oshgan;

Shuningdek, 2026 yil fevral oyida IFI 13 ta hududda o‘tgan oyga nisbatan o‘sishi kuzatilgan (Grafik №2).

Jumladan, Andijon (44,8 %), Sirdaryo (41,7 %), Toshkent (33,3 %) va Qashqadaryo viloyatida (28,2 %) sezilarli darajada o‘sish kuzatilgan (Jadval №1, 2).

Shuningdek, ushbu ko‘rsatkich Qoraqalpog‘iston Respublikasida 0,5 % ga kamayib mo‘’tadil darajada qolgan.

1. Hisobot davrida banklararo to‘lov operatsiyalari soni 6760,3 ming tani tashkil etib, 2026 yilning yanvar oyiga nisbatan 1 220,5 ming tranzaksiyaga (22%) ortgan.

Banklararo to‘lov operatsiyalari soni 12 ta hududda ortgan. Xususan, Toshkent sh. (24,1 %), Surxondaryo (23,3 %), Samarqand (21,4 %) va Navoiy (17,7 %) viloyatlarida yuridik shaxslar o‘rtasidagi bank operatsiyalari soni o‘tgan oyga nisbatan sezilarli ortgan.

Shuningdek, bu ko‘rsatkich Sirdaryo (8,1 %) va Qoraqalpog‘istonda (1,6 %) kamaygan.

2. Joriy yilning fevral oyida IFIning birja komponenti 1,1058birlikni tashkil etgan (o‘tgan oyga nisbatan 10,6 foizga ortgan). Bunda, tuzilgan bitimlar soni 36,2 foizga ortganligi va har bir bitim bo‘yicha sotib olingan tovarlarning o‘rtacha hajmi 15,1 foizga kamayganligi kuzatildi.

Respublika tovar-xom ashyo birjasida tovarlar savdosining umumiy aylanmasi hajmi 2026 yil fevral oyida 6 296 mlrd. so‘mni tashkil etib, ushbu ko‘rsatkich o‘tgan oyga nisbatan 6,5 foizga ortgan.

3. Hisobot davrida faoliyat yuritayotgan xo‘jalik sub’yektlari komponenti 1,0088 birlikni tashkil etib, oldingi oyga nisbatan 0,9foizga ortgan. Bunda:

- barcha turdagi faoliyat yuritayotgan xo‘jalik yurituvchi sub’yektlar soni oldingi oyga nisbatan 4 079 birlikka ortib, 508,5 mingtani tashkil etgan;

- yirik tadbirkorlik bilan shug‘ullanuvchi korxonalar soni esa 51 taga oshib, 4 161 tani tashkil etgan;

- kichik korxonalar soni 3,9 mingtaga ortib, 415,1 mingtaga yetgan. Shuningdek, fyermer xo‘jaliklari soni 36 taga ortib, 89,2 mingtani tashkil etgan.

4. 2026 yilning fevral oyida savdo belgilari bo‘yicha komponent 1,0641 birlikni tashkil etib, o‘tgan oyga nisbatan 9,4foizga ortgan. Mazkur davrda yuridik shaxslar tomonidan 430 ta tovar belgilari va tovar nomlari ro‘yxatga olingan.

Jadval №1

O‘zbekiston Respublikasi va mintaqalar bo‘yicha IFI komponentlarining o‘tgan oyga nisbatan o‘zgarishi

Jadval №2

O‘zbekiston Respublikasi va mintaqalar bo‘yicha IFI komponentlarining o‘tgan yilning mos oyiga nisbatan o‘zgarishi

Islombek Saparmatov

Iqtisodiy tadqiqotlar va islohotlar markazi