Ўзбекистонда февраль ойида Ишбилармонлик фаоллиги индекси 34 бирликка ошди

1-расм. 2021 йилнинг февраль ойида ИФИ ўтган йилнинг шу даврига нисбатан 3,4 фоизга ошган.

Компонентлар даражасида ўзгаришлар бўлган.

2021 йилнинг февраль ойида Ишбилармонлик фаоллиги индекси ўтган ойга нисбатан 9,9 фоизга ошиб, 1099 бирликни ташкил этиши қуйидаги компонентлар даражасидаги ўзгаришларга боғлиқ бўлган:

• хўжалик юритувчи субъектларнинг банк ҳисобварақаларидаги операциялар сони 19,6 фоизга ошган;
• фаолият кўрсатаётган хўжалик юритувчи субъектлар бўйича компонент 1,3 фоизга ошган;
• товар-хом ашё биржасида хом ашё сотиб олиш жадаллиги 6,8 фоизга ошган;
• товар белгилари бўйича компонент 0,5 фоизга ошган.

Ҳудудлар кесимида Фарғона вилоятида энг юқори ўсиш суръати қайд этилган.

2021 йил февраль ойида Ишбилармонлик фаоллиги индекси 11 та ҳудудда ўтган ойга (2021 йил январь) нисбатан ўсиш кузатилган. Фарғона (51,3%), Бухоро (44,1%), Самарқанд (35,2%) вилоятлари ва Қорақалпоғистон Республикасида (34,5%) сезиларли даражада ўсиш кузатилган (2-расм).

2-расм. 2021 йил февраль ойида ҳудудлар кесимида ишбилармонлик фаоллиги индекси

БАНК ҲИСОБ ВАРАҚАЛАРИ БЎЙИЧА ОПЕРАЦИЯЛАР

2021 йил февраль ойида банклараро тўлов операциялари сони 4 362,9 минг тани ташкил этди ва ўтган ойга нисбатан 715,4 минг транзакцияга (19,6%) ошган.

Банклараро тўлов операциялари сони барча ҳудудларда ошган.

2021 йил февралда республиканинг барча 14 та ҳудудларида, юридик шахслар ўртасидаги банк операциялари сони ўтган ойга нисбатан ошган. Хусусан, сезиларли даражадаги ўсиш Хоразм (26,9%), Қашқадарё (26,5%), Сирдарё (24,0%), Жиззах (23,6%) ва Навоий (23,5%) вилоятларида кузатилган.

ТОВАР-ХОМ АШЁ БИРЖАСИДАГИ ФАОЛЛИК

2021 йилнинг февраль ойида ИФИнинг биржа компоненти ўтган ойга нисбатан 1,0677 бирликни ташкил этди ва 6,8 фоизга ошган. Ушбу компонентнинг ошиши битимлар сонининг 20,8% га ошганлиги билан изоҳланади.

Республика товар-хом ашё биржасида товарлар савдоси умумий айланмаси ҳажми 2021 йил февраль ойида 4 861,7 млрд. сўмни ташкил этиб, ушбу кўрсаткич ўтган ойга нисбатан 18,5 фоизга ошган.

ХЎЖАЛИК ЮРИТУВЧИ СУБЪEКТЛАРНИНГ ФАОЛЛИГИ

Фаолият юритаётган хўжалик субъектлари бўйича компонент 2021 йил февраль ойида 1,0125 бирликни ташкил этиб, ўтган ойга нисбатан 1,25 фоизга ошганлигини кўрсатади.

2021 йил февраль ойида фаолият юритаётган хўжалик юритувчи субъектлар сони ўтган ойга нисбатан 7 338 тага кўпайиб, 531 474 тани (2021 йилнинг январь ойида 524 136 та) ташкил этди.

Йирик тадбиркорлик билан шуғулланувчи корхоналар сони 26 тага ошган.

Ҳисобот даврида, ўтган ойга нисбатан кичик корхоналар сони 417 244 тадан 423 511 тагача ошган (ўсиш 6 267 та). Фермер хўжаликлари сони 103 900 тадан 104 945 тагача (ўсиш 1 045 та) кўпайган. Йирик тадбиркорлик билан шуғулланаётган субъектлар сони 3 018 тани ташкил этиб, 2021 йилнинг январь ойига нисбатан 26 тага ошган.

БРEНДЛАРНИ РЎЙХАТГА ОЛИШ

2021 йил февраль ойида савдо белгилари муҳофазаси бўйича бизнес фаоллиги индекси 1,0045 бирликни ташкил этиб, ушбу кўрсаткич 2021 йилнинг январь ойига нисбатан 0,5 фоизга ошган. Жорий йилнинг февраль ойида юридик шахслар томонидан 225 та товар белгилари ва товар номлари рўйхатга олинган.

Ўзбекистон Республикаси ва унинг ҳудудларида ИФИ компонентларининг ўтган ойга нисбатан ўзгариши

Ўзбекистон Республикаси ва ҳудудларда ИФИ компонентларининг ўтган йилнинг мос даврига нисбатан ўзгариши