Тошкентда «Очиқ мулоқот: ижтимоий соҳа — кеча, бугун, эртага» мавзусида Ўзбекистон электрон оммавий ахборот воситалари миллий ассоциацияси ва Ўзбекистон нодавлат-нотижорат ташкилотлари миллий ассоциацияси томонидан учрашув ўтказилди.
Иштирокчилар ижтимоий соҳадаги ислоҳотлар самарадорлигини муҳокама қилдилар.
«Ижтимоий соҳа — давлат бюджетининг асосий қисми йўналтириладиган тармоқ. 2020 йил бу соҳа учун масъулиятли йил бўлди. Ўтган йилда улар энг кўп фаоллик кўрсатишди. Соғлиқни сақлаш соҳасига катта оғирлик тушди. Инқирозга қарши курашиш жамғармаси ташкил этилиб, унинг асосий маблағлари Президент ташаббуси билан тиббиёт ходимлари ва коронавирусга қарши курашаётган шифокорларни рағбатлантириш учун йўналтирилди. Шунингдек, бу маблағлар ҳисобидан чет элдан ватандошларимизни пандемия даврида олиб келиш ва уларни карантин зоналарида сақлаш ва таъминотига сарфланди», — дея фикр билдирган бош вазир ўринбосари Беҳзод Мусаев.
Бундан ташқари, Инновацион ривожланиш вазирлиги ходимининг сўзларига кўра, 2021 йилги давлат бюджети ҳисобидан 3 триллион сўм миқдорида захира маблағи шакллантирилган. Ушбу маблағлар аҳолини коронавирус инфекциясига қарши эмлаш учун ҳам сарфланиши таъкидланган.
Изоҳ қолдириш