Toshkentda «Ochiq muloqot: ijtimoiy soha — kecha, bugun, ertaga» mavzusida O‘zbekiston elektron ommaviy axborot vositalari milliy assotsiatsiyasi va O‘zbekiston nodavlat-notijorat tashkilotlari milliy assotsiatsiyasi tomonidan uchrashuv o‘tkazildi.
Ishtirokchilar ijtimoiy sohadagi islohotlar samaradorligini muhokama qildilar.
«Ijtimoiy soha — davlat byudjetining asosiy qismi yo‘naltiriladigan tarmoq. 2020 yil bu soha uchun mas’uliyatli yil bo‘ldi. O‘tgan yilda ular eng ko‘p faollik ko‘rsatishdi. Sog‘liqni saqlash sohasiga katta og‘irlik tushdi. Inqirozga qarshi kurashish jamg‘armasi tashkil etilib, uning asosiy mablag‘lari Prezident tashabbusi bilan tibbiyot xodimlari va koronavirusga qarshi kurashayotgan shifokorlarni rag‘batlantirish uchun yo‘naltirildi. Shuningdek, bu mablag‘lar hisobidan chet eldan vatandoshlarimizni pandemiya davrida olib kelish va ularni karantin zonalarida saqlash va ta’minotiga sarflandi», — deya fikr bildirgan bosh vazir o‘rinbosari Behzod Musayev.
Bundan tashqari, Innovatsion rivojlanish vazirligi xodimining so‘zlariga ko‘ra, 2021 yilgi davlat byudjeti hisobidan 3 trillion so‘m miqdorida zaxira mablag‘i shakllantirilgan. Ushbu mablag‘lar aholini koronavirus infeksiyasiga qarshi emlash uchun ham sarflanishi ta’kidlangan.
Izoh qoldirish