Infografika: O‘zbekistonning Rossiya Federatsiyasi bilan savdosi

Infografika: O‘zbekistonning Rossiya Federatsiyasi bilan savdosi

Shu kunlarda Prezident Shavkat Mirziyoyev rasmiy tashrif bilan Rossiya Federatsiyasida bo‘lib turibdi. Ushbu voqea fonida "EO" tahririyati O‘zbekistonning Rossiya bilan savdosida yuz bergan o‘zgarishlar bo‘yicha rasmiy statistikani o‘rganib chiqdi.

Rossiya asosan to‘qimachilik, poyabzal, oziq-ovqat mahsulotlari, qishloq xo‘jaligi xom ashyosi, kauchuk, metallar va ulardan tayyorlangan mahsulotlarni sotib oladi. Shu bilan birga O‘zbekiston Rossiyadan mashina, asbob-uskuna, yog‘och, kimyo sanoati mollari va mineral mahsulotlarni sotib oladi.

So‘nggi yillarda O‘zbekiston bilan Rossiya o‘rtasidagi savdo-iqtisodiy hamkorlik sezilarli darajada faollashdi.

Yanvar-oktyabr oylarida O‘zbekiston va Rossiya o‘rtasidagi o‘zaro savdo hajmi 5,9 mlrd. dollarni tashkil etdi.

Joriy yilning yanvar oyidan oktyabr oyigacha Davlat statistika qo‘mitasi ma’lumotlariga ko‘ra, O‘zbekiston Rossiyaga 1,7 mlrd dollarlik mahsulot eksport qilgan. Shu bilan birga, O‘zbekiston Rossiyadan 4,2 mlrd dollarlik mahsulot sotib oldi.

Joriy yilning 10 oyi yakunlari bo‘yicha Rossiya federatsiyasiga O‘zbekiston eksportining asosiy ulushi: oziq-ovqat mahsulotlari 273 mln. dollar; kimyo mahsulotlari 105 mln. dollar; energiya va neft mahsulotlari - 87,6 mln. dollar; metallar va ulardan olinadigan mahsulotlar - 71 mln. dollarni tashkil etdi.
Rossiyadan import tarkibida oziq-ovqat mahsulotlari 611 mln dollarni; kimyo mahsulotlari - 501 mln dollar; energiya va neft mahsulotlari - 303 mln dollar; metallar va ulardan olinadigan mahsulotlar - 796 mln. dollarni tashkil etdi.

Ayni paytda davlatlar 150 dan ortiq qo‘shma loyihalarni amalga oshirmoqda, ularning umumiy qiymati qariyb 14 milliard dollarni tashkil etadi.

Rossiya Prezidenti Hududlararo hamkorlik bo‘yicha II Fourm ishtirokchilariga murojaatida 2020 yilda Rossiya va O‘zbekiston o‘rtasidagi tovar aylanmasi qariyb 16% ga oshib, 6 mlrd.dollarga yaqinlashganini, 2021 yilning dastlabki to‘qqiz oyida esa uning o‘sishi 6% dan ortiqni tashkil etganini ta’kidladi. O‘zbekistonda Rossiya kapitali ishtirokida tashkil etilgan korxonalar soni so‘nggi 2,5 yil davomida 4 barobar ko‘payib, ikki mingdan oshdi.


Maqolani ulashing

O'xshash yangiliklar