ShHT mamlakatlarining aql markazlari ikkinchi yillik yig‘ilishini o‘tkazdi

ShHT mamlakatlarining aql markazlari ikkinchi yillik yig‘ilishini o‘tkazdi

2021 yilning 27 sentyabrida ShHT mamlakatlari tahliliy iqtisodiy markazlari konsorsiumining ikkinchi yig‘ilishi qozog‘iston tomoni raisligida videokonferensiya formatida o‘tkazildi.

Uchrashuvda quyidagi Konsorsium a’zolari ishtirok etdi: Hindiston savdo va sanoat vazirligining mintaqaviy savdo markazi; Qozog‘iston Iqtisodiy tadqiqotlar institutining Jahon iqtisodiyoti tadqiqotlari markazi; Xitoy savdo vazirligining Xalqaro savdo-iqtisodiy hamkorlik instituti; Qirg‘iziston Iqtisodiyot vazirligi huzuridagi Iqtisodiy siyosat tadqiqotlari instituti; Pokiston savdo va rivojlanish instituti; Rossiya Iqtisodiyot Oliy maktabi xalqaro Iqtisodiyot va Moliya instituti; Tojikiston Milliy Iqtisodiyot va demografiya instituti.

ShHT Bosh kotibi Vladimir Norov Konsorsium yig‘ilishi ishtirokchilariga video murojaat yulladi.

Uchrashuv dasturi doirasida ikkita sessiya o‘tkazildi:

  • 2020 yilda Hindiston tomonidan tashkil etilgan Konsorsiumning birinchi yig‘ilishi harakat rejasiga muvofiq aniqlangan tadqiqot natijalarining taqdimoti.
  • ShHT mamlakatlari tomonidan Iqtisodiyot va savdo aloqalarini tiklash maqsadida COVID-19 ga qarshi kurash doirasida amalga oshirilgan chora-tadbirlar muhokama qilindi.

Birinchi sessiya doirasida Hindiston tomoni ShHT mamlakatlari tahliliy markazlari – Konsorsium ishtirokchilarining o‘tkazilgan tadqiqot mavzulari bo‘yicha takliflarini taqdim etdi.

Markaz kichik biznesni rivojlantirish kambag‘allikni kamaytirish omili mavzusida tadqiqot o‘tkazdi (O‘zbekiston to‘g‘risida taqdimotida xulosa va tavsiyalar berilgan).

Ikkinchi sessiyada Iqtisodiy tadqiqotlar va islohotlar sektori rahbari Muhsinjon Xolmuxamedov yig‘ilish ishtirokchilariga COVID-19 pandemiyasining iqtisodiyotga salbiy ta’sirini yumshatish, jumladan, aholini ijtimoiy qo‘llab-quvvatlash bo‘yicha O‘zbekistonda amalga oshirilayotgan chora-tadbirlar haqida ma’lumot berdi.

2021 yilda iqtisodiyotning jadal o‘sishi, birinchi yarim yillikda YaIMning 6,2 % ni tashkil etgani ko‘rilayotgan tiklanish chora-tadbirlarining samaradorligidan dalolat beradi. Osiyo taraqqiyot bankining sentyabr oyidagi hisobotida koronavirusga qarshi samarali emlash (COVID-19) va sanoat, xizmat ko‘rsatish, investitsiya va xususiy biznesni tiklashni davom ettirgan holda O‘zbekiston iqtisodiyoti 2021 yilda 5% va 2022 yilda 5,5% ga o‘sishi taxmin qilinmoqda.

Shunday qilib, O‘zbekistonda davlat darajasida ko‘rilgan chora-tadbirlar koronavirus pandemiyasining salbiy oqibatlarini sezilarli darajada yumshatdi va keyinchalik iqtisodiyotning tez tiklanish va o‘sishini ta’minlash uchun sharoit yaratdi.

Shuningdek, M.Xolmuhamedov ShHT doirasidagi iqtisodiy hamkorlikni kengaytirish, pandemiyaning ShHT mamlakatlari iqtisodiyotiga salbiy oqibatlarini imkon qadar tezroq bartaraf etishga yordam berishni ta’kidladi.

Majlis yakunida Konsorsiumning keyingi 2022 yilgi ish rejasini tayyorlash va qo‘shma tadqiqotlar o‘tkazish doirasida tahliliy markazlar o‘rtasida yaqin hamkorlikni davom ettirish hamda ShHT davlatlari hukumatlari uchun ushbu xalqaro tashkilot doirasida iqtisodiy hamkorlikni kengaytirishga qaratilgan tavsiyalar va takliflar ishlab chiqish to‘g‘risida kelishildi.

Ma’lumot: Konsorsiumning maqsadi – ShHTga a’zo davlatlarning tahliliy iqtisodiy markazlari salohiyatini birlashtirish, ShHT doirasidagi iqtisodiy hamkorlikning ustuvor yo‘nalishlari bo‘yicha qo‘shma tadqiqotlar olib borish va mintaqaviy savdo-iqtisodiy hamkorlikni rivojlantirishga ko‘maklashishdan iborat. Konsorsiumning ish reglamentiga muvofiq (ShHTga a’zo davlatlar Hukumat rahbarlari Kengashining 2019 yil 2 noyabrdagi qarori bilan tasdiqlangan) Konsorsium yig‘ilishlari ShHTga a’zo davlatlarning Hukumat rahbarlari navbatdagi yig‘ilishi o‘tkazilishi rejalashtirilgan mamlakat raisligida yilda bir marta o‘tkaziladi.

Iqtisodiy tadqiqotlar va islohotlar markazi

Jamoatchilik bilan aloqalar xizmati

Maqolani ulashing

O'xshash yangiliklar