Iqtisodiy tadqiqotlar va islohotlar markazi (Markaz) har oyda O‘zbekiston avtomobil bozoridagi vaziyatni tahlil qilib boradi.
Noyabr oyida avtotransport vositalarining sotuvi 19%ga sezilarli pasayib, 147,5 mingtani tashkil etdi; o‘tgan yilga nisbatan 7%ga pasaydi.
Noyabr oyidagi faollikning pasayishi asosan avtomobil bozorining siklik xususiyati bilan bog‘liq. Pasayishga qaramay, savdoning o‘sish tendensiyasi o‘zgarishsiz qolmoqda. Shunday qilib, yil boshidan buyon avtotransport vositalari savdosi 16,4%ga oshdi.
Noyabr oyida yengil avtomobillarni savdosi 22%ga kamayib, 131 mingta avtomobil ko‘rsatkichida qayd etildi; yillik sotuvlar 12%ga qisqardi.
Oy davomida eng sezilarli pasayish Surxondaryo, Farg‘ona va Qashqadaryo viloyatlarida kuzatildi.
Yil boshida yengil avtomobillar bozorida o‘sish kuzatildi, savdo hajmi 10,4%ga oshdi.
Oy davomida yangi yengil avtomobillar savdosi 21%ga kamaydi. Shu bilan birga o‘tgan yilning noyabr oyiga nisbatan faollik 16%ga oshdi.
Yangi mahalliy yengil avtomobillar segmentida pasayish 20%ni tashkil etdi. Oktyabr oyida 39 mingta avtomobil sotilgan bo‘lsa, noyabr oyida bu ko‘rsatkich deyarli 8 mingtaga kam bo‘lgan.
Oy davomida xorijda ishlab chiqarilgan yangi yengil avtomobillar savdosi 25%ga pasaygan holda 4,4 mingtani tashkil etdi. Shu bilan birga, yil davomida xorijiy avtomobillar savdosi 32%ga oshdi.
2-rasm. Birlamchi va ikkilamchi avtomobil bozori (2021-2023 yy.)
Noyabr oyida ikkilamchi avtomobil bozori ham pasayishni ko‘rsatdi. Haydalgan yengil avtomobillar savdosi 95 mingta mashinani tashkil etdi, bu o‘tgan oyga nisbatan 23%ga kam. Yil davomida haydalgan avtomobillar savdosi 20%ga kamaydi.
O‘zbekiston elektromobillar bozorida savdoning salbiy dinamikasi saqlanib qolmoqda. Ushbu segmentda sotuvlar ketma-ket uchinchi oy pasaymoqda, o‘tgan oy 30% pasayish qayd etildi.
Noyabr oyida 1,9 mingta yengil elektrokar sotildi, bu oktyabr oyiga nisbatan 800 ta avtomobilga kam.
O‘tgan yilning noyabr oyiga nisbatan elektromobillar savdosi 6,5 baravar oshdi. Umuman olganda, yil boshidan buyon respublikada elektromobillar savdosi 3,4 barobar oshdi.
Elektromobillarning birlamchi bozori biroz "o‘ynadi": noyabr oyidagi pasayish oktyabr oyidagi 35%ga nisbatan 28% pasayishni ko‘rsatdi. Umuman olganda, bu yerda sotuvlar yil davomida 10 barobar oshdi.
Elektrokarlarning ikkilamchi bozori 36%ga qisqardi, bunda haydalgan mashinalar sotuvi 250 donaga kamaydi. Ushbu segment yil davomida 3 barobar o‘sdi.
Ma’lumot uchun: O‘zbekiston avtomobil bozori sharhi – Iqtisodiy tadqiqotlar va islohotlar markazi tomonidan o‘tkaziladigan tadqiqot yo‘nalishlaridan biri bo‘lib, unda ham mamlakatda, ham xorijda ishlab chiqarilgan yengil avtomobillar va elektromobillar savdosining dinamikasi aks ettiriladi. Ma’lumotlar hisobot oyi uchun ham, yil boshidan hisobot oyigacha bo‘lgan davr uchun ham taqdim etiladi. Bundan tashqari, o‘tgan yilning shu davriga oid ma’lumotlar bozor dinamikasini kuzatish uchun taqdim etiladi
Darya Miroshnikova,
Iqtisodiy tadqiqotlar va islohotlar markazi
Jamoatchilik bilan aloqalar bo‘limi
tel: (78) 150 02 02 (417)
Izoh qoldirish