«Бизнес-клиника»: Йил якунлари – тадбиркорлар ушбу ташаббус ҳақида қандай фикрда?

«Бизнес-клиника»: Йил якунлари – тадбиркорлар ушбу ташаббус ҳақида қандай фикрда?

COVID-19 пандемияси пайтида карантин билан боғлиқ чекловлар барча бизнес соҳаларига таъсир қилганлиги сабабли, тадбиркорлар ва бошқа соҳа вакиллари қийин даврни бошдан кечирди.

Aксарият тадбиркорлар ижара ҳақи, иш ҳақи, кредитлар билан боғлиқ турли хил муаммоларни ҳал қилиши керак эди.

Кичик бизнес ва хусусий тадбиркорлик субъектларини тадбиркорлик фаолияти билан боғлиқ маслаҳатларни олишда қўллаб-қувватлаш, уларга давлат раҳбарининг фармонлари билан қабул қилинган тадбиркорларни қўллаб-қувватлаш чора-тадбирлари тўғрисида тўлиқ ва ишончли маълумотларни тақдим этиш мақсадида 2020 йил май ойида Бирлашган Миллатлар Ташкилоти Тараққиёт Дастури Савдо-саноат палатаси билан биргаликда «Бизнес-клиника» ташаббусини ишга туширишди.

Ташаббус доирасида call-марказ мавжуд, доимий равишда қонунчилик ва бизнес юритиш билан боғлиқ турли хил веб-семинарлар ўтказилмоқд. http://t.me/biznes_klinika телеграм канали яратилди, у ерда қонунчиликдаги ўзгаришлар тўғрисидаги инфографикалар, вебинарларнинг видеотасвирлари, «Саволлар ва жавоблар», «Биласизми?» рубрикаларнинг материаллари ва бошқа фойдали маълумотлар берилмоқда.

2020 йилнинг 1 майидан 31 декабригача call-марказ ходимлари томонидан 3300дан ортиқ қўнғироқлар қабул қилиниб, консултантларга юборилди. Қўнғироқларнинг аксарияти Тошкент шаҳридан келиб тушди ва аксарият тадбиркорлар юридик маслаҳатлар (1242) ва кредит олиш (721) масалалари бўйича консултацияни талаб қилишган.

Йил давомида ўтказилган жами 60дан ортиқ вебинарларда маърузачи сифатида нафақат Бизнес-клиника консулътантлари, балки таниқли тадбиркорлар ҳам иштирок этишди.

Ташаббус ҳақида тадбиркорларнинг фикрлари:

Гавхар Жуманова, “Darital shoes” МЧЖ, Хоразм вилояти

- Бизнес-клиникани қайси тарафларини алоҳида эътироф эта оласиз?

- Менга ёққан тарафларидан бири бу – тезкорлик билан маърузачи-мутахассис ўз жойида саволларга жавоб бериб, тўғри йўналишлар бериб туриши. Фойдаланилмаётган иншоотлар учун тўланмаган ижара ҳақи ва ҚҚСни қайтариш билан боглиқ муаммолар юзага келганди, шу бўйича маслаҳат керак эди. Бизнес-клиника call-марказига қўнгироқ қилдим. Бизнес-клиника мутахассислари мутлақо бепул ёрдам бердилар.

Aсаджон Нормуродов, “Diyormegatrans” МЧЖ, Жиззах вилояти

- Бизнес-клиникани 1-5 гача бўлган шкалада баҳоласак, неччи балл берган бўлар эдингиз?

- Вебинарлардан бирида қурилиш соҳасидаги ишчиларни бепул овқатлантиришга оид солиқлар бўйича мени қизиқтирган савол билан мурожаат этган эдим, қойил қолган тарафим, тезкорлик билан маърузачи саволимга жавоб бериб, шу мавзуда керакли тушунтиришларни берди. Бу тезкорлик, эътибор ва профессионализм учун 5 бахо кўймай иложи йўқ.

Бахтиёр Шокиров, хусусий тадбиркор, Aндижон вилояти

- Масалангизни ечишда қандай амалий ёрдам кўрсатилди?

- Call-марказга мурожаат этган кунимни ўзидаёқ мен билан лойиҳа мутахассиси боғланиб, барча масалаларимга ойдинлик киритиб берди. Қоларверса, керакли хужжатларни тақдим этиб, кимга мурожаат этсам, масалам хал бўлишини тушунтириб берди.

Маълумот учун, Бизнес-клиника мутахассисларининг бепул консултацияларини олиш учун 1094 рақамли call-марказига қўнғироқ қилиш лозим.

Бизнес-клиника ташаббуси Россия Федерацияси ва Япония ҳукуматлари молиявий кўмагида БМТТД ва Бандлик ва меҳнат муносабатлари вазирлигининг «Ўзбекистонда ёшлар бандлигига кўмаклашиш» қўшма лойиҳаси доирасида БМТТД ва Савдо-саноат палатаси томонидан амалга оширилмоқда.