ОКМК да соф палладий олишга эришилди
Дунё бозорида 1 грамми 67 долларга баҳоланаётган палладий Ўзбекистонда биринчи бор юқори тозаликдаги 99,00% соф кукун шаклида олинди.
Платинадан 7,3 фоизга қиммат юрадиган бу нодир металлни Ўзбекистонда Олмалиқ кон-металлургия комбинати ташаббуси ва илмий тадқиқотлари туфайли биринчи бор юқори тозаликдаги 99,00% соф кукун шаклида олишга эришилди. Бу ҳақда комбинатнинг ахборот хизмати маълум қилди.
Бугун дунё бозорида 1 грамми 67 долларга баҳоланаётган палладий ишлаб чиқариш саноати йилдан йилга соҳавий тарзда такомиллашиб бормоқда. Бу металл асосан тиббиёт, хусусан, стоматология соҳасида, электроника, машинасозлик ва кимёвий ишлаб чиқариш тармоқларида кенг қўлланилади.
Изоҳ қолдириш