Иқтисодий тадқиқотлар ва ислоҳотлар маркази томонидан баҳоланган Ишбилармонлик фаоллиги индекси (ИФИ) 2021 йил октябрь ойида 1074 бирликни ташкил этиб, ўтган йилнинг шу дарига нисбатан 7,4 фоизга ошди.
Ишбилармонлик фаоллиги индекси ўтган йилнинг мос даврига нисбатан 25 фоизлик ўсиш қайд этилди.
Компонентлар даражасида қуйидаги ўзгаришлар бўлган.
2021 йилнинг октябрь ойида Ишбилармонлик фаоллиги индекси ўтган ойга нисбатан 7,4 фоизга ошиб, 1074 бирликни ташкил этиши, қуйидаги компонентлар даражасидаги ўзгаришларга боғлиқ бўлган:
Ҳудудлар кесимида Сирдарё вилоятида энг юқори ўсиш суръати қайд этилган.
2021 йил октябрь ойида Ишбилармонлик фаоллиги индекси 12 та ҳудудда ўтган ойга (2021 йил сентябрь) нисбатан ўсиш кузатилган. Сирдарё (57,3%), Бухоро (27,0%), Андижон (15,4%) вилоятлари, ҳамда Тошкент шаҳри (30,8%) ва Қорақалпоғистон Республикаси (23,4%) сезиларли даражада ўсиш кузатилган (2-расм).
Шу билан бирга Навоий (- 8,7%) ва Жиззах (- 3,8%) вилоятларида ўтган ойга нисбатан пасайиш кузатилган.
БАНК ҲИСОБ ВАРАҚАЛАРИ БЎЙИЧА ОПЕРАЦИЯЛАР
2021 йил октябрь ойида банклараро тўлов операциялари сони 4 868,6 минг тани ташкил этди ва 2021 йилнинг сентябрь ойига нисбатан 635,99 минг транзакцияга (11,7%) ошган.
Банклараро тўлов операциялари сони барча ҳудудларда ошган.
2021 йил октябрда республиканинг барча 14 та ҳудудида юридик шахслар ўртасидаги банк операциялари сони ўтган ойга нисбатан ошган. Хусусан, сезиларли даражадаги ўсиш Бухоро (23,4%), Қашқадарё (21,3%), Наманган (17,5%), Сирдарё (16,1%) вилоятлари ҳамда Қорақалпоғистон Республикасида (15,0%) кузатилган.
2021 йилнинг октябрь ойида ИФИнинг биржа компоненти 1,0240 бирликни ташкил этди. Бу эса ушбу компонентнинг ўтган ойга нисбатан 2,4 фоизга ошганлигини англатиб, битимлар сонининг (1,6%) ҳамда ҳар бир битим бўйича сотиб олинган товарлар ўртача жисмоний ҳажмининг (3,2%) ошганлиги билан изоҳланади.
Республика товар-хом ашё биржасида товарлар савдоси умумий айланмаси ҳажми 2021 йил октябрь ойида 5 977,7 млрд. сўмни ташкил этиб, ушбу кўрсаткич ўтган ойга нисбатан 7,1 фоизга ошган.
Фаолият юритаётган хўжалик субъектлари бўйича компонент 2021 йил октябрь ойида 1,9991 бирликни ташкил этиб, ўтган ойга нисбатан 0,1 фоизга камайганлигини кўрсатади. Ушбу кўрсаткич ўтган йилнинг мос даврига нисбатан ижобий ўзгариб, 12,6 фоизга ошган.
2021 йил октябрь ойида барча турдаги фаолият юритаётган хўжалик юритувчи субъектлар сони 2021 йилнинг сентябрь ойига (584 221 бирлик) нисбатан 1 422 тага кўпайиб, 585 643 бирликни ташкил этган.
Йирик тадбиркорлик билан шуғулланувчи корхоналар сони 30 тага камайган.
Ҳисобот даврида, кичик корхоналар сони 472 273 тадан 473 705 тагача ошган (ўсиш 1 432 та). Фермер хўжаликлари сони 108 873 тадан 108 893 тагача (ўсиш 20 та) кўпайган. Йирик тадбиркорлик билан шуғулланаётган субъектлар сони 3 045 тани ташкил этиб, 2021 йилнинг сентябрь ойига нисбатан 30 тага камайган.
2021 йил октябрь ойида савдо белгилари муҳофазаси бўйича бизнес фаоллиги индекси 1,7793 бирликни ташкил этиб, ушбу кўрсаткич 2021 йилнинг сентябрь ойига нисбатан 77,9 фоизга ошган. Жорий йилнинг октябрь ойида юридик шахслар томонидан 379 та товар белгилари ва товар номлари рўйхатга олинган.
Ўзбекистон Республикаси ва унинг ҳудудларида ИФИ компонентларининг ўтган ойга нисбатан ўзгариши
| Ҳудудлар |
ИФИ | Банклараро транзакциялар бўйича компонент | Товар-хом ашё биржаси бўйича компонент | Хўжалик субъектлари бўйича компонент | Товар белгилари бўйича компонент |
| Ўзбекистон Республикаси | ↑1074 | ↑1,1174 | ↑1,0240 | ↓0,9991 | ↑1,7793 |
| Сирдарё вилояти | ↑1573 | ↑1,1613 | ↑2,0000 | ↓0,9840 | ↑5,0000 |
| Тошкент шаҳри | ↑1308 | ↑1,1016 | ↑1,6082 | ↑1,0027 | ↑1,9366 |
| Бухоро вилояти | ↑1270 | ↑1,2339 | ↑1,4391 | ↓0,9882 | ↑1,5000 |
| Қорақалпоғистон Республикаси | ↑1234 | ↑1,1497 | ↑1,4833 | ↓0,9903 | ↓0,6667 |
| Андижон вилояти | ↑1154 | ↑1,0919 | ↑1,0775 | ↑1,0029 | ↑4,0000 |
| Самарқанд вилояти | ↑1128 | ↑1,1418 | ↑1,1386 | ↓0,9942 | ↑1,8000 |
| Наманган вилояти | ↑1117 | ↑1,1751 | ↑1,0654 | ↓0,9974 | ↑2,0000 |
| Қашқадарё вилояти | ↑1089 | ↑1,2129 | ↑1,0382 | ↓0,9972 | ↑1,0000 |
| Хоразм вилояти | ↑1075 | ↑1,1353 | ↑1,0691 | ↑1,0002 | ↑1,0000 |
| Фарғона вилояти | ↑1045 | ↑1,1281 | ↓0,9853 | ↑1,0052 | ↑1,1667 |
| Тошкент вилояти | ↑1038 | ↑1,0993 | ↓0,9393 | ↓0,9989 | ↑1,9333 |
| Сурхондарё вилояти | ↑1005 | ↑1,0554 | ↑1,0394 | ↓0,9994 | ↓0,0000 |
| Жиззах вилояти | ↓962 | ↑1,0729 | ↓0,8999 | ↑1,0046 | ↓0,2000 |
| Навоий вилояти | ↓913 | ↑1,0843 | ↓0,7633 | ↓0,9939 | ↓0,3333 |
Ўзбекистон Республикаси ва ҳудудларда ИФИ компонентларининг ўтган йилнинг мос даврига нисбатан ўзгариши
| Ҳудудлар |
ИФИ | Банклараро транзакциялар бўйича компонент | Товар-хом ашё биржаси бўйича компонент | Хўжалик субъектлари бўйича компонент | Товар белгилари бўйича компонент |
| Ўзбекистон Республикаси | ↑1251 | ↑1,1502 | ↑1,1581 | ↑1,1260 | ↑4,5663 |
| Бухоро вилояти | ↑1683 | ↑1,0892 | ↑2,0000 | ↑1,0521 | ↑9,0000 |
| Қашқадарё вилояти | ↑1537 | ↑1,0656 | ↑2,0000 | ↑1,2461 | ↑3,0000 |
| Самарқанд вилояти | ↑1498 | ↑1,0101 | ↓0,8945 | ↑1,1219 | ↑18,0000 |
| Сирдарё вилояти | ↑1460 | ↑1,0692 | ↑2,0000 | ↑1,0731 | ↑1,6667 |
| Тошкент шаҳри | ↑1446 | ↑1,3191 | ↑1,1545 | ↑1,7412 | ↑4,6610 |
| Хоразм вилояти | ↑1423 | ↓0,9753 | ↑2,0000 | ↑1,1432 | ↑1,0000 |
| Жиззах вилояти | ↑1413 | ↓0,9671 | ↑2,0000 | ↑1,1131 | ↑1,0000 |
| Сурхондарё вилояти | ↑1360 | ↓0,9145 | ↑2,0000 | ↑1,0895 | ↓0,0000 |
| Қорақалпоғистон Республикаси | ↑1308 | ↓0,9421 | ↑1,6968 | ↑1,0877 | ↑2,0000 |
| Фарғона вилояти | ↑1185 | ↑1,1152 | ↑1,1114 | ↑1,1145 | ↑3,5000 |
| Андижон вилояти | ↑1169 | ↑1,0704 | ↓0,9388 | ↑1,0871 | ↑6,0000 |
| Наманган вилояти | ↑1087 | ↑1,0347 | ↑1,0448 | ↑1,1203 | ↑2,0000 |
| Тошкент вилояти | ↑1041 | ↓0,9566 | ↓0,9385 | ↑1,1072 | ↑2,9000 |
| Навоий вилояти | ↑1012 | ↓0,9247 | ↓0,9812 | ↑1,0726 | ↑2,0000 |
Руслан Абдуллаев, Иқтисодий тадқиқотлар ва ислоҳотлар маркази
Изоҳ қолдириш