Давлат раҳбарининг тадбиркорлар билан Очиқ мулоқоти бизнесни қўллаб-қувватлаш ва қулай ишбилармонлик муҳитини шакллантиришга қаратилган замонавий иқтисодий сиёсатнинг муҳим механизмларидан бирига айланди. Ушбу мулоқотлар давлат ва хусусий сектор ўртасидаги ўзаро ишончни мустаҳкамлаб, тадбиркорларни қийнаётган долзарб масалаларни бевосита муҳокама қилиш ва уларга ечим топиш учун самарали майдон яратмоқда.
Очиқ мулоқотлар якунлари бўйича тадбиркорлик фаолиятини соддалаштириш, маъмурий тўсиқларни қисқартириш, давлат хизматларини рақамлаштириш ҳамда бизнеснинг молиявий ресурсларга эришиш имкониятларини кенгайтиришга қаратилган аниқ чора-тадбирлар амалга оширилмоқда.
Шунингдек, тадбиркорлик фаолияти тартиб-таомилларини такомиллаштириш билан бир қаторда, тадбиркорларнинг ижтимоий масъулиятини ошириш, инновацияларни рағбатлантириш ва экспортга йўналтирилган лойиҳаларни қўллаб-қувватлашга ҳам алоҳида эътибор қаратилмоқда. Бу каби комплекс ёндашув кичик бизнеснинг нафақат ички бозорда барқарор фаолият юритиши, балки халқаро бозорларга фаол чиқиши учун ҳам мустаҳкам замин яратмоқда.
Сўнгги йилларда мазкур ёндашув амалий натижалар берди. Кичик бизнес мамлакат ялпи ички маҳсулотининг ярмидан кўпроғини, экспортнинг учдан бир қисмидан ортиғини ҳамда саноат ишлаб чиқаришининг салмоқли улушини таъминламоқда. Хусусан, 2025 йилда кичик бизнеснинг ялпи ички маҳсулотдаги улуши 52,2 фоизни, экспортдаги улуши 36,6 фоизни, саноат ишлаб чиқаришидаги улуши эса 28,5 фоизни ташкил этди.
Ушбу кўрсаткичларнинг барқарор ўсиши тадбиркорлик сектори иқтисодиётни диверсификация қилишнинг муҳим омилига айланиб бораётганини ҳамда Ўзбекистоннинг ташқи иқтисодий алоқаларини кенгайтириш учун янги имкониятлар яратаётганини кўрсатади.
Ўтган йил Ўзбекистон иқтисодиётида кичик бизнеснинг ҳал қилувчи ўрнини яна бир бор тасдиқлади. 2025 йилда унинг ялпи ички маҳсулотдаги улуши 52,2 фоизни, экспортдаги улуши 36,6 фоизни, саноат ишлаб чиқаришидаги улуши эса 28,5 фоизни ташкил этди.
Кичик бизнеснинг энг юқори улуши савдо соҳасида 83 фоиз, қурилишда 75,6 фоиз ва хизматлар соҳасида 47,2 фоиз қайд этилди.
Ушбу кўрсаткичлар тадбиркорлик фаоллиги иқтисодий ўсишни таъминлаш, иқтисодиётни диверсификация қилиш ва янги иш ўринларини яратишнинг муҳим омилларидан бирига айланганини кўрсатади.
Миллий статистика қўмитаси маълумотларига кўра, 2025 йил давомида мамлакатда 82,4 мингта янги корхона ташкил этилди, фаолият кўрсатаётган корхоналарнинг умумий сони эса 493 мингтага етди.
Янги ташкил этилган тадбиркорлик субъектлари сони бўйича савдо соҳаси етакчилик қилди. Ушбу соҳада 30,2 мингта корхона иш бошлади. Шунингдек:
Бошқа фаолият турлари ҳиссасига 13,3 мингта янги корхона тўғри келди.
Ҳудудлар кесимида ҳам тадбиркорлик фаоллигининг сезиларли жонланиши кузатилди. Энг кўп янги корхона Тошкент шаҳрида 18,4 мингта, Тошкент вилоятида 8,5 мингта, Хоразм вилоятида 7,2 мингта, Самарқанд вилоятида 6,5 мингта ва Фарғона вилоятида 6,4 мингта ташкил этилди. Қашқадарё, Сурхондарё, Андижон, Бухоро ва Наманган вилоятларида эса 4,2 мингтадан 4,8 мингтагача янги корхона рўйхатдан ўтказилди.
Нисбатан кам фаол ҳудудлар Қорақалпоғистон Республикаси, Жиззах, Навоий ва Сирдарё вилоятларида ҳам ижобий динамика сақланиб қолди. Бу тенденция тадбиркорлик фаоллиги мамлакатнинг барча ҳудудларида кенгайиб бораётганини кўрсатади.
Фаолият кўрсатаётган корхоналарнинг ҳудудлар бўйича тақсимотига кўра, уларнинг энг катта қисми Тошкент шаҳри ҳиссасига тўғри келади 96,5 мингта, яъни мамлакатдаги жами корхоналарнинг қарийб бешдан бир қисми. Кейинги ўринларда Тошкент вилояти 46,6 мингта, Самарқанд вилояти 45,4 мингта, Фарғона вилояти 41,8 мингта ва Қашқадарё вилояти 37,8 мингта билан қайд этилди.
Ушбу маълумотлар Ўзбекистонда кичик ва ўрта бизнес иқтисодиётнинг асосий ўсиш манбаларидан бири бўлиб қолаётганини ҳамда унинг барқарорлиги ошиб бораётганини тасдиқлайди. Корхоналар сонининг кўпайиши, уларнинг тармоқлар ва ҳудудлар бўйича диверсификацияси, шунингдек экспортдаги фаол иштирок бизнес муҳитини либераллаштириш ва тадбиркорликни қўллаб-қувватлашга қаратилган ислоҳотлар натижасидир.
2026 йилда ўтказиладиган Президентнинг тадбиркорлар билан олтинчи Очиқ мулоқоти бизнес учун долзарб масалаларни муҳокама қилиш ва янги ташаббусларни ишлаб чиқишнинг муҳим майдони бўлади.
Мулоқот доирасида ташқи иқтисодий фаолият, солиқ сиёсати, инфратузилма, молиявий қўллаб-қувватлаш, тадбиркорлар ҳуқуқларини ҳимоя қилиш ҳамда янги экспорт бозорларини ўзлаштиришга оид таклифларга алоҳида эътибор қаратилади.
Мазкур тадбир ишбилармонлик муҳитини янада такомиллаштириш, тадбиркорликни қўллаб-қувватлаш ва рақобатбардош ҳамда барқарор иқтисодиётни ривожлантириш йўлидаги навбатдаги муҳим қадам бўлиб хизмат қилади.
Иқтисодий тадқиқотлар ва ислоҳотлар маркази
Жамоатчилик билан алоқалар бўлими
Izoh qoldirish