Ekspertlar viloyatning so‘nggi yilda yuz bergan faol islohotlarning ijtimoiy-iqtisodiy rivojlanishidagi asosiy o‘zgarishlarini taqdim etdi.
Namangan viloyati Farg‘ona vodiysida joylashgan O‘zbekistonning serhosil yerlaridan biri bo‘lib, g‘arbda Toshkent viloyati, Janubiy va Sharqda Farg‘ona va Andijon viloyatlari bilan chegaradosh.
Keyingi yillarda Namanganda sanoat mahsulotlari ishlab chiqarish yuqori sur’atlarda rivojlanmoqda. Natijada viloyatda to‘qimachilik, tikuvchilik va oziq-ovqat sanoati, jumladan, paxta xomashyosini qayta ishlashning yetakchi tarmoqlari jadal o‘sib bormoqda, qurilish materiallari ishlab chiqarish va yog‘ochni qayta ishlash rivojlanmoqda. Kosonsoy va Chust tumanlarida kichik sanoat zonalari, shuningdek, erkin iqtisodiy zonalar tashkil etilib, ular barcha infratuzilma bilan to‘liq ta’minlangan.
2017-2020 yillar davomida viloyatning yalpi hududiy mahsuloti (YaHM) 21% ga oshib, 27,9 trln. so‘mni tashkil etdi.
Sanoat mahsulotlari ishlab chiqarish 3,5 trln. so‘mdan 11,0 trln. so‘mga (58% o‘sish) oshdi.
Qishloq xo‘jaligi mahsulotlarini ishlab chiqarish 12% ga, 2016 yildagi 8,7 trln. so‘mdan 2020 yilda 19,8 trln. so‘mgacha o‘sdi.
Viloyatda faoliyat ko‘rsatayotgan korxonalar soni 45% ga, 2016 yildagi 23,5 mingdan 2020 yilda 34,0 minggacha o‘sdi.
Infratuzilmani rivojlantirish sohasida 2016-2020 yillarda 63 km gaz quvurlari va 1 970 km suv ta’minoti tarmoqlari yotqizildi.
Besh yil davomida Namangan viloyatida 159 mingga yaqin ish o‘rni yaratildi.
Shu davr mobaynida viloyatda 6 364 ming kvadrat metr uy-joy foydalanishga topshirildi, maktabgacha ta’lim muassasalarida 12,3 ming, maktablarda 28,1 ming, shifoxonada 2,9 ming o‘ringa mo‘ljallangan koyekalar tashkil etildi.
Viloyatda iqtisodiy o‘sishning " drayverlaridan" biri to‘qimachilik sanoati bo‘lib, uning texnologik rivojlanish darajasi yuqori sifatli tayyor mahsulot ishlab chiqarish imkonini beradi. Eksportga sotiladigan to‘qimachilik mahsulotlarining qo‘shimcha qiymatini oshirishga alohida e’tibor qaratilmoqda. Shu bilan birga, viloyatda paxta ipini qayta ishlash darajasini 95% ga oshirish rejalashtirilgan.
Namangan viloyatining Pop va Chust tumanlarida tarixan rivojlangan echki boqish an’analarini hisobga olgan holda bu yo‘nalish yangi rivojlanish sur’atiga ega bo‘ladi-echki junini qayta ishlash va ularni eksport qilish istiqboli bilan tayyor jun mahsulotlarini ishlab chiqarish investitsiya loyihalarini amalga oshirish rejalashtirilmoqda.
2020-2021 yillarda Namangan viloyatida jami qiymati 13,1 trln. so‘mlik 2 148 loyiha amalga oshirilib, barcha investitsiya dasturlarining amalga oshirilishi va 55 mingdan ortiq yangi ish o‘rni yaratadigan iqtisodiy rivojlanishning yuqorida qayd etilgan "drayverlari" jalb etilishi tufayli amalga oshiriladi.
Iqtisodiy tadqiqotlar va islohotlar markazi
Izoh qoldirish