Infografika: O‘zbekistonning Janubiy Osiyo mamlakatlari bilan savdosi

Infografika: O‘zbekistonning Janubiy Osiyo mamlakatlari bilan savdosi

So‘nggi yillar davomida O‘zbekistonning Janubiy Osiyo mamlakatlari bilan savdosidagi asosiy o‘zgarishlarni Iqtisodiy tadqiqotlar va islohotlar markazining(CERR) infografikasida kuzating.

To‘rt yilda O‘zbekistonning Janubiy Osiyo mamlakatlari bilan savdo aloqasi 35% ga o‘sdi.

2020 yilda O‘zbekistonning Janubiy Osiyo mamlakatlari bilan tashqi savdosining umumiy hajmi 1,38 mlrd. dollarni yoki tashqi savdo umumiy hajmining 3,8% ni tashkil etdi. O‘zbekistonning Janubiy Osiyo mamlakatlariga eksportining o‘sishi 21% ni tashkil etdi. Import 23% ga oshdi.

O‘zbekistonning Janubiy Osiyo mamlakatlari bilan savdo aylanmasida eng katta hajm Afg‘oniston - 56,2%, Hindiston-32% va Pokiston-8,9% ga to‘g‘ri keladi. Maldiv orollari va Nepal bilan savdo aylanmasi kichik hajmni tashkil etadi va Butan bilan deyarli savdo amalga oshirilmaydi.

Afg‘oniston bilan savdo aylanmasida asosiy ulushni (99,7%) O‘zbekiston eksporti egallaydi, bu esa Afg‘onistonni foydali savdo-iqtisodiy hamkor qilib qo‘yadi. O‘zbekistonning Afg‘onistonga eksportidagi asosiy ulushi elektr energiyasi (eksport hajmining 30%), bug‘doy uni va dukkakli ekinlar (24,1%), shuningdek, metallurgiya mahsulotlaridir.

Hindiston O‘zbekistonning Janubiy Osiyo mamlakatlari bilan savdo aylanmasi bo‘yicha ikkinchi o‘rinda turadi. Shu bilan birga, Hindiston bilan o‘zaro savdoda O‘zbekiston eksportining hajmi asosan O‘zbekistonda xaridorgir farmatsevtika mahsulotlari bilan ifodalanadigan importdan sezilarli darajada ortda qolmoqda.

O‘zbekistonning Hindistonga eksporti asosan to‘qimachilik mahsulotlari (ulushi 13,6%), qimmatbaho metallar (8,4%), oziq-ovqat mahsulotlari (5,8%) va boshqalardan iborat.

O‘zbekistonning Hindistondan "farmatsevtika mahsulotlari" xaridlarining importdagi ulushi 47% o‘sishi hisobiga oshib bormoqda, 28,6% ulushi bilan ikkinchi o‘rinni "mexanik uskunalar" egallaydi.

Shu bilan birga, Hindiston bilan farmatsevtika sohasida sarmoyaviy hamkorlik muvaffaqiyatli rivojlanmoqda, "Andijon-Farm" EIZ hududida qo‘shma korxonalar tashkil etildi. Hindistonning Toshkentdagi "Amiti" va Andijondagi "Sharda" universitetlarining IT-mutaxassislarni tayyorlash bo‘yicha filiallari ochildi. Hozirgi kunda O‘zbekiston va Hindiston o‘rtasida "imtiyozli savdo bitimi" tuzish texnik-iqtisodiy asoslari o‘rganilmoqda.

So‘nggi yillarda O‘zbekiston va Pokiston o‘rtasidagi savdo-iqtisodiy hamkorlik faol rivojlanmoqda, Pokiston bozoriga tayyor, asosan, qishloq xo‘jaligi mahsulotlarni eksport qilish hajmi oshdi.

O‘zbekistonning Pokistonga eksporti tarkibida: oziq-ovqat mahsulotlari 81% ni; to‘qimachilik mahsulotlari-10,5% ni; xizmatlar-3,5% ni tashkil etadi.

Pokistondan import tarkibida: farmatsevtika mahsulotlari 37% ni tashkil etadi; oziq-ovqat mahsulotlari (kartoshka, sitrus mevalar, guruch va boshqalar.) – 36%, transport xizmatlari – 10%; - kimyoviy mahsulotlar-4,5%.

Bundan tashqari, O‘zbekiston Pokiston bilan transport sohasidagi hamkorlikni kengaytirish va «Mozori – Sharif – Qobul – Peshavar» temir yo‘l liniyasini qurish bo‘yicha yuqorida qayd etilgan loyihani birgalikda amalga oshirishdan manfaatdor.

Maqolani ulashing

O'xshash yangiliklar