Farg‘ona viloyatining 2022 yil yanvar-iyun oylaridagi makroiqtisodiy ko‘rsatkichlari

Farg‘ona viloyatining 2022 yil yanvar-iyun oylaridagi makroiqtisodiy ko‘rsatkichlari

2022 yil birinchi yarim yillik yakuniga ko‘ra, Farg‘ona viloyati bo‘yicha yalpi hududiy mahsulot (YaHM) hajmi joriy narxlarda 24 650,4 mlrd. so‘mni tashkil etib, 2021 yil mos oylariga nisbatan 4,1%ga o‘sish qayd etildi. Respublika bo‘yicha YaIMni shakllanishida Farg‘ona viloyatining ulushi 6,3%ni tashkil etdi.

Jon boshiga to‘g‘ri keladigan YaHM hajmi 6 298,5 ming so‘mni tashkil etib, 2021 yilning mos oylariga nisbatan 2,0%ga oshdi.

Asosiy kapitalga investitsiyalar 7 182,5 mlrd. so‘mni tashkil etib, 2021 yilning mos davriga nisbatan 26,1%ga oshdi.

Viloyatda joriy yilning ilk olti oyida ishlab chiqarilgan sanoat mahsulotlari hajmi 13 918,1 mlrd. so‘mni tashkil etib, 2021 yilning mos davriga nisbatan 6,6%ga o‘sish kuzatildi. Viloyatda ishlab chiqarilgan sanoat mahsulotlarining respublika sanoatidagi ulishi 5,5%ga to‘g‘ri keladi. Jon boshiga to‘g‘ri keladigan sanoat mahsulotlari hajmi 3 556,2 ming so‘mni tashkil qilgan holda, 2021 yilning mos davriga nisbatan 4,5%ga oshganligi qayd yetildi.

Viloyatda 4 214,1 mlrd. so‘mlik iste’mol tovarlari ishlab chiqarilgan bo‘lib, o‘tgan yil yilning mos davriga nisbatan o‘sish sur’ati 9,1%ni tashkil etdi. Respublika istemol tovarlarida viloyatning ulushi 4,8%ni tashkil qilgani qayd etildi.

Viloyatda 13 813,0 mlrd. so‘mlik qishloq xo‘jaligi mahsulotlari ishlab chiqarilgan bo‘lib, 2021 yilning mos davriga nisbatan 2,4%ga oshdi. Jon boshiga to‘g‘ri keladigan qishloq xo‘jaligi mahsulotlari hajmi 3 529,4 ming so‘mni tashkil qilgan holda, 2021 yilning mos davriga nisbatan deyarli o‘zgarish kuzatilmagan.

Viloyatda qurilish ishlari hajmi 3 950,6 mlrd so‘mga yetib, 2021 yilning mos davriga nisbatan 9,0%ga oshgan. Viloyatda qurilish ishlari hajmining respublika ko‘rsatkichidagi ulushi 6,5%ni tashkil qilgan.

Viloyatda 2022 yilda chakana savdo hajmi 10 768,4 mlrd so‘mni tashkil qilgan holda, o‘tgan yilga nisbatan 7,6%ga oshgan. Chakana savdo hajmining respublika ko‘rsatkichidagi ulushi 8,0%ni tashkil qilgan. Jon boshiga to‘g‘ri keladigan chakana savdo hajmi 2 751,5 ming so‘mni tashkil qilgan holda 2021 yilning mos davriga nisbatan 5,4%ga oshgan.

Viloyatda ko‘rsatilgan bozor xizmatlari hajmi 10 212,3 mlrd. so‘mni tashkil qilgan xolda, 2021 yilning mos davriga nisbatan 15,4%ga oshgan. Ko‘rsatilgan xizmatlar hajmining respublika ko‘rsatkichidagi ulushi 6,4%ni tashkil qilgan. Jon boshiga to‘g‘ri keladigan bozor xizmatlari hajmi 2 609,4 ming so‘mni tashkil qilgan holda, 2021 yilning mos davriga nisbatan 13,1%ga oshgan.

Viloyatda tashqi savdo aylanmasi hajmi 1 049,5 mln. dollarni tashkil etib, 2021 yilning mos davriga nisbatan 23,5%ga oshgan. Eksport hajmi 417,0 mln. dollarni tashkil qilgan holda, 2021 yilning mos davriga nisbatan 20,3%ga, import hajmi esa 632,5 mln. dollarni tashkil qilgan holda, 25,8%ga oshgan. Viloyatda amalga oshirilgan eksport va importning Respublika ko‘rsatkichidagi ulushi mos ravishda 4,2% va 4,3%ni tashkil qilgan.

Nurdinova Shoiraxon, Namangan filiali bosh ilmiy xodimi
Noralov Sherzod, NamDU 2-kurs talabasi

Maqolani ulashing

O'xshash yangiliklar