Фарғона вилоятининг 2022 йил январь-июнь ойларидаги макроиқтисодий кўрсаткичлари

Фарғона вилоятининг 2022 йил январь-июнь ойларидаги макроиқтисодий кўрсаткичлари

2022 йил биринчи ярим йиллик якунига кўра, Фарғона вилояти бўйича ялпи ҳудудий маҳсулот ҲМ) ҳажми жорий нархларда 24 650,4 млрд. сўмни ташкил этиб, 2021 йил мос ойларига нисбатан 4,1%га ўсиш қайд этилди. Республика бўйича ЯИМни шаклланишида Фарғона вилоятининг улуши 6,3%ни ташкил этди.

Жон бошига тўғри келадиган ЯҲМ ҳажми 6 298,5 минг сўмни ташкил этиб, 2021 йилнинг мос ойларига нисбатан 2,0%га ошди.

Aсосий капиталга инвестициялар 7 182,5 млрд. сўмни ташкил этиб, 2021 йилнинг мос даврига нисбатан 26,1%га ошди.

Вилоятда жорий йилнинг илк олти ойида ишлаб чиқарилган саноат маҳсулотлари ҳажми 13 918,1 млрд. сўмни ташкил этиб, 2021 йилнинг мос даврига нисбатан 6,6%га ўсиш кузатилди. Вилоятда ишлаб чиқарилган саноат маҳсулотларининг республика саноатидаги улиши 5,5%га тўғри келади. Жон бошига тўғри келадиган саноат маҳсулотлари ҳажми 3 556,2 минг сўмни ташкил қилган ҳолда, 2021 йилнинг мос даврига нисбатан 4,5%га ошганлиги қайд етилди.

Вилоятда 4 214,1 млрд. сўмлик истеъмол товарлари ишлаб чиқарилган бўлиб, ўтган йил йилнинг мос даврига нисбатан ўсиш суръати 9,1%ни ташкил этди. Республика истемол товарларида вилоятнинг улуши 4,8%ни ташкил қилгани қайд этилди.

Вилоятда 13 813,0 млрд. сўмлик қишлоқ хўжалиги маҳсулотлари ишлаб чиқарилган бўлиб, 2021 йилнинг мос даврига нисбатан 2,4%га ошди. Жон бошига тўғри келадиган қишлоқ хўжалиги маҳсулотлари ҳажми 3 529,4 минг сўмни ташкил қилган ҳолда, 2021 йилнинг мос даврига нисбатан деярли ўзгариш кузатилмаган.

Вилоятда қурилиш ишлари ҳажми 3 950,6 млрд сўмга етиб, 2021 йилнинг мос даврига нисбатан 9,0%га ошган. Вилоятда қурилиш ишлари ҳажмининг республика кўрсаткичидаги улуши 6,5%ни ташкил қилган.

Вилоятда 2022 йилда чакана савдо ҳажми 10 768,4 млрд сўмни ташкил қилган ҳолда, ўтган йилга нисбатан 7,6%га ошган. Чакана савдо ҳажмининг республика кўрсаткичидаги улуши 8,0%ни ташкил қилган. Жон бошига тўғри келадиган чакана савдо ҳажми 2 751,5 минг сўмни ташкил қилган ҳолда 2021 йилнинг мос даврига нисбатан 5,4%га ошган.

Вилоятда кўрсатилган бозор хизматлари ҳажми 10 212,3 млрд. сўмни ташкил қилган холда, 2021 йилнинг мос даврига нисбатан 15,4%га ошган. Кўрсатилган хизматлар ҳажмининг республика кўрсаткичидаги улуши 6,4%ни ташкил қилган. Жон бошига тўғри келадиган бозор хизматлари ҳажми 2 609,4 минг сўмни ташкил қилган ҳолда, 2021 йилнинг мос даврига нисбатан 13,1%га ошган.

Вилоятда ташқи савдо айланмаси ҳажми 1 049,5 млн. долларни ташкил этиб, 2021 йилнинг мос даврига нисбатан 23,5%га ошган. Экспорт ҳажми 417,0 млн. долларни ташкил қилган ҳолда, 2021 йилнинг мос даврига нисбатан 20,3%га, импорт ҳажми эса 632,5 млн. долларни ташкил қилган ҳолда, 25,8%га ошган. Вилоятда амалга оширилган экспорт ва импортнинг Республика кўрсаткичидаги улуши мос равишда 4,2% ва 4,3%ни ташкил қилган.

Нурдинова Шоирахон, Наманган филиали бош илмий ходими
Норалов Шерзод, НамДУ 2-курс талабаси

Мақолани улашинг

Ўхшаш янгиликлар