Qoraqalpog‘iston Respublikasining 2021 yil yakunlari bo‘yicha asosiy makroiqtisodiy ko‘rsatkichlari tahlili

Qoraqalpog‘iston Respublikasining 2021 yil yakunlari bo‘yicha asosiy makroiqtisodiy ko‘rsatkichlari tahlili

2021 yil Qoraqalpog‘iston Respublikasi yalpi hududiy mahsuloti 2020 yilga nisbatan 7,4 foizga o‘sdi va 26,3 trln.so‘mni tashkil etdi.

Aholi jon boshiga yalpi hududiy mahsulot hajmi esa 13,6 mln.so‘mni tashkil etib, 2020 yilga nisbatan 6,0 foizga o‘sdi.

2021 yil hudud iqtisodiyoti uchun juda muvaffaqiyatli yil bo‘ldi. Mamlakatimizda amalga oshirilgan keng qamrovli iqtisodiy islohotlar tufayli, shu bilan birga, koronavirus pandemiyasi bilan bog‘liq karantin cheklovlari yumshatilganligi tufayli, 2021 yilda hudud iqtisodiyotining ko‘plab tarmoqlarida o‘sish dinamikasi erishildi.

Masalan, 2021 yilda hududda sanoat mahsulotlari ishlab chiqarish hajmi 16,6 trln.so‘mni tashkil etib, o‘tgan yilga nisbatan 7,4 foizga o‘sdi.

Shuningdek, 2021 yilda qishloq xo‘jaligida 2020 yilga nisbatan 3,7 foizga o‘sish kuzatildi va qishloq xo‘jaligi mahsulotlarini ishlab chiqarish hajmi 12,3 trln.so‘mni tashkil etdi.

Shu bilan birga, xizmat ko‘rsatish sohasida (19,3%), qurilishda (10,5%), chakana savdo aylanmasida (8,8%) va iste’mol tovarlari ishlab chiqarishda (6,1%), yangi tashkil etilgan kichik biznes sub’yektlari sonida (0,5%) o‘sish sur’atlari kuzatildi.

Asosiy kapitalga yo‘naltirilgan investitsiyalar 2,1%ga o‘sdi va ular hajmi 7,9 trln.so‘mni tashkil etdi.

2021 yilda Qoraqalpog‘iston Respublikasining umumiy tashqi savdo aylanmasi qariyb 657,2 million dollarni tashkil etdi va bu 2020 yilga nisbatan 21,9 foizga oshdi. Hududning eksport hajmi 418,6 mln.dollar va import hajmi 238,6 mln.dollarni tashkil etgan va savdo balansida ijobiy saldo qayd etilgan.

Yusup Jumabayev

Iqtisodiy tadqiqotlar va islohotlar markazi Qoraqalpog‘iston Respublikasi filialining yetakchi ilmiy xodimi

Salamat Begmanov

Iqtisodiy tadqiqotlar va islohotlar markazi Qoraqalpog‘iston Respublikasi filialining bosh ilmiy xodimi

Maqolani ulashing

O'xshash yangiliklar