Shavkat Mirziyoyev saylovoldi dasturini taqdim etdi. Ekspertlar nutqni lingvistik tahlilini qilishdi

Shavkat Mirziyoyev saylovoldi dasturini taqdim etdi. Ekspertlar nutqni lingvistik tahlilini qilishdi
Bugun, 2021 yilning 9 sentabr kuni Xalqaro kongress markazida O‘zbekiston Liberal-demokratik partiyasining (O‘zLiDeP) X s’yezdi bo‘lib o‘tdi. Unda Shavkat Mirziyoyev o‘z saylovoldi dasturining asosiy yo‘nalishlari – “Yangi O‘zbekiston strategiyasi”ni e’lon qildi.

Yangi O‘zbekiston strategiyasi quyidagi yo‘nalishlarni o‘z ichiga oladi:

  • mamlakatda tinchlik va barqarorlikni saqlash;
  • fuqarolar va millatlar o‘rtasidagi do‘stlik va hamjihatlik muhitini mustahkamlash;
  • xalqning ma’naviy turmush tarzini yanada yaxshilash;
  • millati, tili va dinidan qat’i nazar har bir O‘zbekiston fuqarosining huquq va erkinliklari hamda qonuniy manfaatlarini himoya qilish, ularga kafolatlangan daromad manbai, tibbiy xizmat va uy-joy bilan ta’minlash hamda yuqori sifatli ta’lim olishi;
  • kambag‘allikni kamaytirish va muhtoj aholini ijtimoiy muhofaza qilish;
  • mamlakatning xalqaro maydondagi nufuzi va imidjini oshirish.

Davlatimiz rahbari nutqining asosiy tezislari insonning qadr-qimmati va uning rivojlanishi, barcha aholining huquq va erkinliklarini himoya qilish, kambag‘allikni kamaytirish, ijtimoiy siyosat, ta’lim, so‘z erkinligi va o‘z-o‘zini ifoda etish, hayot va xavfsizlik darajasini yaxshilashga qaratildi.

Prezident nutqining tahlili (asl tilidan) shuni ko‘rsatdiki, Prezident Shavkat Mirziyoyev o‘z nutqida jami 7663 ta so‘zdan foydalangan.

Prezidenti tomonidan eng ko‘p "Yangi", "O‘zbekiston", "Xalq" va "Aholi" "Ta’lim", "Ijtimoiy", "Iqtisodiyot" “Fan”, “Ilm” so‘zlari tilga olindi (1-rasm)

Xususan, Shavkat Mirziyoyev eng ko‘p "Xalq" so‘zini – 77 marta, "Yangi" so‘zini 57 marta, "O‘zbekiston" so‘zini 39 marta, "Ijtimoy" so‘zini 24 marta, "ta’lim" so‘zini 26 marta, "iqtisod" so‘zini 29 marta ishlatgan.

O‘zLiDeP X s’yezdi O‘zbekiston Prezidentligiga Shavkat Mirziyoyevning nomzodini ko‘rsatishga qaror qildi.

Iqtisodiy tadqiqotlar va islohotlar markazi jamoatchilik bilan aloqalar xizmati

Barcha savollar uchun telefon orqali bizga murojaat qiling: (78) 150 02 02 (417)

Maqolani ulashing

O'xshash yangiliklar