Ta’lim kreditlarini qaysi banklardan olish mumkin?
26 yanvar holatiga ko‘ra O‘zbekistondagi 5 ta bank ta’lim kreditlari berishni boshlagan. Kredit foizlari 23% dan - 27% gacha.
"Bankir kundaligi" Telegram kanali banklardagi 26.01.2021 yil holatiga ta’lim kreditlari bo‘yicha ma’lumot tayyorlabdi. Quyida ushbu kreditlar foizlari bilan keltirilgan.
Ipak Yo‘li bank
Foizi 26,9%
Muddati 1 yildan 3 yilgacha
Telefon 78-140-69-00
Xalq banki
Foizi 27%
Muddati 5 yildan 10 yilgacha
Telefon 71-210-20-02
Agro bank
Foizi 23%
Muddati 3 yilgacha
Telefon 71-202-80-08
Mikrokreditbank
Foizi 23 - 25%
Muddati 12 - 36 oy
Telefon 71-202-99-99
Turonbank
Foiz - 26%
Muddati
Bakalavriat uchun - 10 yilgacha
Magistratura uchun 5 yilgacha
Telefon 95-144-60-00
Ta’lim kreditini olish tartibi va talab qilinadigan hujjatlar
Ta’lim kreditlari tijorat banklari tomonidan oliy ta’lim muassasalarining kunduzgi bo‘limlariga to‘lov-kontrakt asosida qabul qilingan O‘zbekiston fuqarosi bo‘lgan talabalarning o‘qishi uchun ularning o‘ziga, ota-onalariga yoki vasiylariga berilishi mumkin.
Ta’lim kreditlari, oliy ta’lim muassasalarida o‘qish davri hisobga olingan holda, bakalavriatga qabul qilingan talabalarga — 10 yilgacha, magistratura bosqichi talabalariga — 5 yilgacha bo‘lgan muddatga beriladi.
Hozirgi karantin davrida ta’lim krediti ajratish xizmatini masofaviy ravishda ko‘rsatilishi tijorat banklari tomonidan mustaqil belgilanadi.
Ta’lim kreditini olish uchun qarz oluvchi bankka quyidagi hujjatlarni taqdim etadi:
a) ta’lim krediti berish to‘g‘risidagi ariza;
b) talaba va oliy ta’lim muassasasi o‘rtasidagi to‘lov-kontrakt asosida o‘qish haqida belgilangan tartibda rasmiylashtirilgan shartnoma. Ushbu shartnomada o‘qishning belgilangan muddati va bir yil uchun to‘lov miqdori ko‘rsatilgan bo‘lishi lozim.
g) kreditni qaytarishning ta’minlanishi to‘g‘risida hujjat;
d) imtiyozli ta’lim kreditlari olish huquqiga ega bo‘lgan chin yetimlar, “Mehribonlik uylari”da tarbiyalanganlar, bolalikdan I va II guruh nogironlari, kam ta’minlangan oila farzandlari tegishli tasdiqlovchi hujjatlarni taqdim etadilar.
Kredit qaytmasligi xavfining oldini olish maqsadida qarz oluvchi quyidagi ta’minlash shakllaridan birini bankka taqdim etishi lozim:
- mol-mulk yoki qimmatli qog‘ozlarni garovga qo‘yish;
- uchinchi shaxs kafilligi;
- sug‘urta kompaniyasining qarz oluvchi kreditni qaytara olmasligi xavfi sug‘urta qilinganligi to‘g‘risidagi sug‘urta polisi;
- fuqarolarning o‘zini o‘zi boshqarish organlarining kafilligi (bu hujjat faqat chin yetimlar va “Mehribonlik uylari”da tarbiyalanganlar, bolalikdan I va II guruh nogironlari va kam ta’minlangan oilalardan chiqqanlar uchun so‘raladi).
Ta’lim kreditini olish tartibi to‘g‘risidagi batafsil ma’lumotlar Vazirlar Mahkamasining 2001 yil 26 iyuldagi 318-sonli qarori bilan tasdiqlangan “Oliy o‘quv yurtlarida to‘lov-kontrakt asosida o‘qish uchun ta’lim kreditlari berish to‘g‘risidagi nizom”da va tijorat banklarining rasmiy veb-saytlarida keltirilgan.
Eslatib o‘tamiz, 24 yanvar holatiga ko‘ra O‘zbekistondagi 5 ta bank: Ziraat bank, Kapitalbank, Mikrokreditbank, O‘zmilliybank va Turonbank boshqa banklarga qaraganda kam foizli avtokreditlarni taklif qilmoqda.
Izoh qoldirish