Таълим кредитларини қайси банклардан олиш мумкин?
26 январь ҳолатига кўра Ўзбекистондаги 5 та банк таълим кредитлари беришни бошлаган. Кредит фоизлари 23% дан - 27% гача.
"Банкир кундалиги" Телеграм канали банклардаги 26.01.2021 йил ҳолатига таълим кредитлари бўйича маълумот тайёрлабди. Қуйида ушбу кредитлар фоизлари билан келтирилган.
Ипак Йўли банк
Фоизи 26,9%
Муддати 1 йилдан 3 йилгача
Телефон 78-140-69-00
Халқ банки
Фоизи 27%
Муддати 5 йилдан 10 йилгача
Телефон 71-210-20-02
Агро банк
Фоизи 23%
Муддати 3 йилгача
Телефон 71-202-80-08
Микрокредитбанк
Фоизи 23 - 25%
Муддати 12 - 36 ой
Телефон 71-202-99-99
Туронбанк
Фоиз - 26%
Муддати
Бакалавриат учун - 10 йилгача
Магистратура учун 5 йилгача
Телефон 95-144-60-00
Таълим кредитини олиш тартиби ва талаб қилинадиган ҳужжатлар
Тaълим кредитлари тижорат банклари томонидан олий таълим муассасаларининг кундузги бўлимларига тўлов-контракт асосида қабул қилинган Ўзбекистон фуқароси бўлган талабаларнинг ўқиши учун уларнинг ўзига, ота-оналарига ёки васийларига берилиши мумкин.
Таълим кредитлари, олий таълим муассасаларида ўқиш даври ҳисобга олинган ҳолда, бакалавриатга қабул қилинган талабаларга — 10 йилгача, магистратура босқичи талабаларига — 5 йилгача бўлган муддатга берилади.
Ҳозирги карантин даврида таълим кредити ажратиш хизматини масофавий равишда кўрсатилиши тижорат банклари томонидан мустақил белгиланади.
Таълим кредитини олиш учун қарз олувчи банккa қуйидаги ҳужжатларни тақдим этади:
а) таълим кредити бериш тўғрисидаги ариза;
б) талаба ва олий таълим муассасаси ўртасидаги тўлов-контракт асосида ўқиш ҳақида белгиланган тартибда расмийлаштирилган шартнома. Ушбу шартномада ўқишнинг белгиланган муддати ва бир йил учун тўлов миқдори кўрсатилган бўлиши лозим.
г) кредитни қайтаришнинг таъминланиши тўғрисида ҳужжат;
д) имтиёзли таълим кредитлари олиш ҳуқуқига эга бўлган чин етимлар, “Меҳрибонлик уйлари”да тарбияланганлар, болаликдан I ва II гуруҳ ногиронлари, кам таъминланган оила фарзандлари тегишли тасдиқловчи ҳужжатларни тақдим этадилар.
Кредит қайтмаслиги хавфининг олдини олиш мақсадида қарз олувчи қуйидаги таъминлаш шаклларидан бирини банкка тақдим этиши лозим:
- мол-мулк ёки қимматли қоғозларни гаровга қўйиш;
- учинчи шахс кафиллиги;
- суғурта компаниясининг қарз олувчи кредитни қайтара олмаслиги хавфи суғурта қилинганлиги тўғрисидаги суғурта полиси;
- фуқароларнинг ўзини ўзи бошқариш органларининг кафиллиги (бу ҳужжат фақат чин етимлар ва “Меҳрибонлик уйлари”да тарбияланганлар, болаликдан I ва II гуруҳ ногиронлари ва кам таъминланган оилалардан чиққанлар учун сўралади).
Таълим кредитини олиш тартиби тўғрисидаги батафсил маълумотлар Вазирлар Маҳкамасининг 2001 йил 26 июлдаги 318-сонли қарори билан тасдиқланган “Олий ўқув юртларида тўлов-контракт асосида ўқиш учун таълим кредитлари бериш тўғрисидаги низом”да ва тижорат банкларининг расмий веб-сайтларида келтирилган.
Эслатиб ўтамиз, 24 январь ҳолатига кўра Ўзбекистондаги 5 та банк: Ziraat bank, Капиталбанк, Микрокредитбанк, Ўзмиллийбанк ва Туронбанк бошқа банкларга қараганда кам фоизли автокредитларни таклиф қилмоқда.
Изоҳ қолдириш