Yangi yilda o‘zbekistonliklar necha kun dam olishi ma’lum qilindi
Prezident farmoni bilan 2022 yilda qo‘shimcha dam olish kunlari belgilandi.
O‘zbekiston Prezidenti Shavkat Mirziyoyev «2022 yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risida»gi farmonni imzoladi. Bu haqda Nigoh telegram kanali xabar berdi.
Hujjatga ko‘ra:
- barcha xodimlar uchun (ish haftasining turidan qat’i nazar): 3 yanvar — dushanba, 22 mart — seshanba, 23 mart — chorshanba, 11 iyul — dushanba, 2 sentyabr — juma;
- olti kunlik ish haftasida ishlaydigan xodimlar uchun: 4 yanvar — seshanba, 4 may — chorshanba, 5 may — payshanba, 12 iyul — seshanba, 3 sentyabr — shanba va 31 dekabr — shanba.
Shuningdek, 2022 yilda besh kunlik ish haftasida ishlaydigan xodimlar uchun dam olish kunlari qo‘yidagi tartibda ko‘chirildi:
- 8 yanvar — shanba kunidan 4 yanvar — seshanba kuniga;
- 7 may — shanba kunidan 4 may — chorshanba kuniga;
- 14 may — shanba kunidan 5 may — payshanba kuniga;
- 16 iyul — shanba kunidan 12 iyul — seshanba kuniga.
Hujjatga muvofiq, o‘zbekistonliklar Yangi yil bayrami munosabati bilan ketma-ket 5 kun (31 dekabrdan 4 yanvargacha) dam oladi:
- 31 dekabr (juma) — 2021 yil 10 maydagi PF-6222-sonli prezident farmoniga asosan qo‘shimcha dam olish kuni;
- 1 yanvar (shanba) — Mehnat kodeksi 131-moddasiga ko‘ra, ishlanmaydigan kun — Yangi yil bayrami;
- 2 yanvar — yakshanba dam olish kuni;
- 3 yanvar (dushanba) va 4 yanvar (seshanba) kunlari — yangi farmonga asosan qo‘shimcha dam olish kuni.
Izoh qoldirish