Ўзбекистонда Ишбилармонлик фаоллиги индекси февраль ойида 85 пунктга ошди

Иқтисодий тадқиқотлар ва ислоҳотлар маркази томонидан баҳоланган Ишбилармонлик фаоллиги индекси (ИФИ) 2022 йил февраль ойида 1085 бирликни ташкил этиб, январь ойига нисбатан 8,5 фоизга ошди. Шунингдек, ишбилармонлик фаоллиги индекси ўтган йилнинг мос даврига нисбатан эса 33 фоизлик ўсиш қайд этилди.

Компонентлар даражасида қуйидаги ўзгаришлар бўлган.

2022 йилнинг февраль ойида Ишбилармонлик фаоллиги индекси ўтган ойга нисбатан 8,5 фоизга ошиб, 1085 бирликни ташкил этиши, қуйидаги компонентлар даражасидаги ўзгаришларга боғлиқ бўлган:

• хўжалик юритувчи субъектларнинг банк ҳисобварақаларидаги операциялар сони 16,5 фоизга ошган;
• фаолият кўрсатаётган хўжалик юритувчи субъектлар бўйича компонент 2,9 фоизга ошган;
• товар-хомашё биржасида хомашё сотиб олиш жадаллиги 6,0 фоизга ошган;
• товар белгилари бўйича компонент 9,6 фоизга камайган.

Ҳудудлар кесимида Хоразм вилоятида энг юқори ўсиш суръати қайд этилган.

2022 йил февраль ойида Ишбилармонлик фаоллиги индекси 12 та ҳудудда ўтган ойга (2022 йил январь) нисбатан ўсиш кузатилган. Хоразм (70,4%), Наманган (46,9%), Сурхондарё (46,0%) ва Жиззах (23,7%) вилоятларида сезиларли даражада ўсиш кузатилган (2-расм).

Шу билан бирга, ушбу индекс 2 та ҳудудда камайган. Хусусан, Тошкент (- 1,9%) ва Андижон (- 0,7%) вилоятларида ўтган ойга нисбатан пасайиш кузатилган.

БАНК ҲИСОБ ВАРАҚАЛАРИ БЎЙИЧА ОПЕРАЦИЯЛАР

2022 йил февраль ойида банклараро тўлов операциялари сони 4 964,6 минг тани ташкил этди ва 2022 йилнинг январь ойига нисбатан 703,6 минг транзакцияга (16,5%) ошган.

Банклараро тўлов операциялари сони барча ҳудудларда ошган.

2022 йил февралда республиканинг барча ҳудудларида юридик шахслар ўртасидаги банк операциялари сони ўтган ойга нисбатан ошган. Хусусан, сезиларли даражадаги ўсиш Навоий (23,1%), Қашқадарё (19,5%), Самарқанд (19,3%) вилоятларида ва Тошкент шаҳрида (18,7%) кузатилган.

ТОВАР-ХОМ АШЁ БИРЖАСИДАГИ ФАОЛЛИК

2022 йилнинг февраль ойида ИФИнинг биржа компоненти 1 0599 бирликни ташкил этди. Бу эса ушбу компонентнинг ўтган ойга нисбатан 6,0 фоизга ўсганлигини англатиб, битимлар сонининг (9,6%) ошганлиги билан изоҳланади.

Республика товар-хом ашё биржасида товарлар савдоси умумий айланмаси ҳажми 2022 йил февраль ойида 6 273,6 млрд. сўмни ташкил этиб, ушбу кўрсаткич ўтган ойга нисбатан 14,4 фоизга ошган.

ХЎЖАЛИК ЮРИТУВЧИ СУБЪEКТЛАРНИНГ ФАОЛЛИГИ

Фаолият юритаётган хўжалик субъектлари бўйича компонент 2022 йил февраль ойида 1 0291 бирликни ташкил этиб, ўтган ойга нисбатан 2,9 фоизга ошганлигини кўрсатади. Ушбу кўрсаткич ўтган йилнинг мос даврига нисбатан ижобий ўзгариб, 9,6 фоизга ошган.

2022 йил февраль ойида барча турдаги фаолият юритаётган хўжалик юритувчи субъектлар сони 2022 йилнинг январь ойига (577 914 бирлик) нисбатан 3 861 тага кўпайиб, 581 775 бирликни ташкил этган.

Йирик тадбиркорлик билан шуғулланувчи корхоналар сони 286 тага ошган.

Ҳисобот даврида, кичик корхоналар сони 467 096 тадан 470 712 тагача ошган (ўсиш 3 616 та). Фермер хўжаликлари сони 107 751 тадан 107 710 тагача (пасайиш 41 та) камайган. Йирик тадбиркорлик билан шуғулланаётган субъектлар сони 3 353 тани ташкил этиб, 2022 йилнинг январь ойига нисбатан 286 тага ошган.

БРEНДЛАРНИ РЎЙХАТГА ОЛИШ

2022 йил февраль ойида савдо белгилари муҳофазаси бўйича бизнес фаоллиги индекси 0,9043 бирликни ташкил этиб, ушбу кўрсаткич 2022 йилнинг январь ойига нисбатан 9,6 фоизга камайган. Жорий йилнинг февраль ойида юридик шахслар томонидан 312 та товар белгилари ва товар номлари рўйхатга олинган.

Ўзбекистон Республикаси ва минтақалар бўйича ИФИ компонентларининг ўтган ойга нисбатан ўзгариши

Ўзбекистон Республикаси ва минтақалар бўйича ИФИ компонентларининг ўтган йилнинг мос ойига нисбатан ўзгариши

Руслан Абдуллаев, Иқтисодий тадқиқотлар ва ислоҳотлар маркази