O‘zbekistonda Ishbilarmonlik faolligi indeksi fevral oyida 85 punktga oshdi

Iqtisodiy tadqiqotlar va islohotlar markazi tomonidan baholangan Ishbilarmonlik faolligi indeksi (IFI) 2022 yil fevral oyida 1085 birlikni tashkil etib, yanvar oyiga nisbatan 8,5 foizga oshdi. Shuningdek, ishbilarmonlik faolligi indeksi o‘tgan yilning mos davriga nisbatan esa 33 foizlik o‘sish qayd etildi.

Komponentlar darajasida quyidagi o‘zgarishlar bo‘lgan.

2022 yilning fevral oyida Ishbilarmonlik faolligi indeksi o‘tgan oyga nisbatan 8,5 foizga oshib, 1085 birlikni tashkil etishi, quyidagi komponentlar darajasidagi o‘zgarishlarga bog‘liq bo‘lgan:

• xo‘jalik yurituvchi sub’yektlarning bank hisobvaraqalaridagi operatsiyalar soni 16,5 foizga oshgan;
• faoliyat ko‘rsatayotgan xo‘jalik yurituvchi sub’yektlar bo‘yicha komponent 2,9 foizga oshgan;
• tovar-xomashyo birjasida xomashyo sotib olish jadalligi 6,0 foizga oshgan;
• tovar belgilari bo‘yicha komponent 9,6 foizga kamaygan.

Hududlar kesimida Xorazm viloyatida eng yuqori o‘sish sur’ati qayd etilgan.

2022 yil fevral oyida Ishbilarmonlik faolligi indeksi 12 ta hududda o‘tgan oyga (2022 yil yanvar) nisbatan o‘sish kuzatilgan. Xorazm (70,4%), Namangan (46,9%), Surxondaryo (46,0%) va Jizzax (23,7%) viloyatlarida sezilarli darajada o‘sish kuzatilgan (2-rasm).

Shu bilan birga, ushbu indeks 2 ta hududda kamaygan. Xususan, Toshkent (- 1,9%) va Andijon (- 0,7%) viloyatlarida o‘tgan oyga nisbatan pasayish kuzatilgan.

BANK HISOB VARAQALARI BO‘YIChA OPERATsIYaLAR

2022 yil fevral oyida banklararo to‘lov operatsiyalari soni 4 964,6 ming tani tashkil etdi va 2022 yilning yanvar oyiga nisbatan 703,6 ming tranzaksiyaga (16,5%) oshgan.

Banklararo to‘lov operatsiyalari soni barcha hududlarda oshgan.

2022 yil fevralda respublikaning barcha hududlarida yuridik shaxslar o‘rtasidagi bank operatsiyalari soni o‘tgan oyga nisbatan oshgan. Xususan, sezilarli darajadagi o‘sish Navoiy (23,1%), Qashqadaryo (19,5%), Samarqand (19,3%) viloyatlarida va Toshkent shahrida (18,7%) kuzatilgan.

TOVAR-XOM AShYo BIRJASIDAGI FAOLLIK

2022 yilning fevral oyida IFIning birja komponenti 1 0599 birlikni tashkil etdi. Bu esa ushbu komponentning o‘tgan oyga nisbatan 6,0 foizga o‘sganligini anglatib, bitimlar sonining (9,6%) oshganligi bilan izohlanadi.

Respublika tovar-xom ashyo birjasida tovarlar savdosi umumiy aylanmasi hajmi 2022 yil fevral oyida 6 273,6 mlrd. so‘mni tashkil etib, ushbu ko‘rsatkich o‘tgan oyga nisbatan 14,4 foizga oshgan.

XO‘JALIK YuRITUVChI SUB’EKTLARNING FAOLLIGI

Faoliyat yuritayotgan xo‘jalik sub’yektlari bo‘yicha komponent 2022 yil fevral oyida 1 0291 birlikni tashkil etib, o‘tgan oyga nisbatan 2,9 foizga oshganligini ko‘rsatadi. Ushbu ko‘rsatkich o‘tgan yilning mos davriga nisbatan ijobiy o‘zgarib, 9,6 foizga oshgan.

2022 yil fevral oyida barcha turdagi faoliyat yuritayotgan xo‘jalik yurituvchi sub’yektlar soni 2022 yilning yanvar oyiga (577 914 birlik) nisbatan 3 861 taga ko‘payib, 581 775 birlikni tashkil etgan.

Yirik tadbirkorlik bilan shug‘ullanuvchi korxonalar soni 286 taga oshgan.

Hisobot davrida, kichik korxonalar soni 467 096 tadan 470 712 tagacha oshgan (o‘sish 3 616 ta). Fermer xo‘jaliklari soni 107 751 tadan 107 710 tagacha (pasayish 41 ta) kamaygan. Yirik tadbirkorlik bilan shug‘ullanayotgan sub’yektlar soni 3 353 tani tashkil etib, 2022 yilning yanvar oyiga nisbatan 286 taga oshgan.

BRENDLARNI RO‘YXATGA OLISh

2022 yil fevral oyida savdo belgilari muhofazasi bo‘yicha biznes faolligi indeksi 0,9043 birlikni tashkil etib, ushbu ko‘rsatkich 2022 yilning yanvar oyiga nisbatan 9,6 foizga kamaygan. Joriy yilning fevral oyida yuridik shaxslar tomonidan 312 ta tovar belgilari va tovar nomlari ro‘yxatga olingan.

O‘zbekiston Respublikasi va mintaqalar bo‘yicha IFI komponentlarining o‘tgan oyga nisbatan o‘zgarishi

O‘zbekiston Respublikasi va mintaqalar bo‘yicha IFI komponentlarining o‘tgan yilning mos oyiga nisbatan o‘zgarishi

Ruslan Abdullayev, Iqtisodiy tadqiqotlar va islohotlar markazi