Янгиликлар

Қозоғистон Ўзбекистон билан ўзаро савдони 10 млрд долларга ошириш бўйича қатор битимлар тузишни режалаштирмоқда

23.11.2021 15:50
281

Йирик лойиҳа “Марказий Осиё” халқаро савдо-иқтисодий ҳамкорлик маркази (МЦТЭС) лойиҳасининг ишга туширилиши бўлади.

Қозоғистон Ўзбекистон билан ўзаро савдони 10 миллиард долларга ошириш, шунингдек, инвестициявий муносабатлар, савдо, саноат кооперацияси ҳамда транспорт ва логистика соҳасини ривожлантириш бўйича қатор битимлар тузишни режалаштирмоқда.

Ушбу масалалар Қозоғистон Республикаси савдо ва интеграция вазири Б.Султанов бошчилигидаги делегация билан кенгайтирилган учрашувда ҳал қилинди.

Икки томонлама савдони ривожлантириш масалалари Қозоғистон савдо ва интеграция вазири Бахит Султонов, Ўзбекистон бош вазири Абдулла Арипов, Инвестициялар ва ташқи савдо вазири Сардор Умурзоқов, Транспорт вазири Илҳом Махкамов ва Қишлоқ хўжалиги вазири Жамшид Хўжаев учрашувида муҳокама қилинди.

Ўзбекистон ва Қозоғистон Бош вазирлари “Ғишткўприк” – “Жібек жолы” савдо иқтисодий ҳамкорлик марказига тамал тоши қўйди

Иштирокчилар ўзаро товар айирбошлаш ҳажмини 10 миллиард долларгача оширишни ҳамкорликдаги энг устувор вазифалардан бири сифатида белгиладилар.

Томонлар “Марказий Осиё” халқаро савдо-иқтисодий ҳамкорлик маркази (МЦТЭС) лойиҳасини амалга ошириш жараёнини муҳокама қилдилар.

- Биз ушбу марказни Қозоғистон ва Ўзбекистон чегарасидаги савдо-саноат марказларининг ягона экотизими ва Марказий Осиё минтақасидаги асосий юк ташиш маркази деб биламиз, – деди Бахит Султонов.

Бундан ташқари, ушбу Марказнинг саноат йўналиши бўйича келишувга эришилди ва бу икки мамлакат ўртасида саноат кооперациясини ривожлантиришга имкон беради.

Бу марказнинг максимал иқтисодий самарасига эришиш ва Шимолий-Жанубий, Ғарбий Европа – ғарбий Хитой транспорт йўлаклари билан интеграциялашувини таъминлаш мақсадида Қозоғистон томони МЦТЭСнинг Қозоғистон ҳудудидаги “Олатау” трансчегара савдо маркази (ЦТТ) ва “Хоргос” (МЦПС) чегаравий ҳамкорлик халқаро марказини ўзбек-афғон чегарасидаги “Термиз” халқаро савдо маркази ва Ўзбекистоннинг Қирғизистон ва Туркманистон чегараларида режалаштирилган шунга ўхшаш чегара марказлари билан боғлаш таклиф қилинди.

Вазирлар Қозоғистон инвесторлари ҳисобидан Ўзбекистонда қўшимча 3та улгуржи-тақсимловчи марказини (ОРЦ) қуриш, қўшни республиканинг шимолий вилоятларида ўзбек бизнеси томонидан худди шундай марказларни ташкил этиш имкониятларини муҳокама қилди.