Мақолада қайд этилишича, Жаҳон банки дунёда ялпи ички маҳсулот ҳажми 4 фоизга камайганини маълум қилган. Ўтган йили пандемия туфайли юзага келган ушбу мисли кўрилмаган инқироздан дунёдаги саноқли давлатларгина қутулиб қолиб, 2020 йилда иқтисодий ўсишга эришди.
Шунингдек, Le Figaro мухбири Армел Бохинёст Марказий Осиёнинг учта давлати, хусусан, Ўзбекистон 2020 йилда ижобий иқтисодий фаоллик намойиш этганини таъкидлади.
«Раҳбарият томонидан кўрилган тезкор чоралар натижасида мамлакатда иқтисодий инқирознинг олди олинди ҳамда ижтимоий эҳтиёжлар ва соғлиқни сақлаш билан боғлиқ харажатлар кўпайтирилди. Шунингдек, ХВЖ маълумотларига кўра, кичик ва ўрта корхоналарга COVID-19 билан курашиш учун катта ёрдам кўрсатилди.
Табиий ресурсларга бой ва юқори сайёҳлик салоҳиятига эга бўлган ушбу давлат раҳбари бир неча йилдан буён мамлакатда 2016 йилга қадар ҳукмронлик қилган қаттиқ бошқарувга асосланган иқтисодий моделдан чиқариш учун қатъий иқтисодий ислоҳотларни амалга оширмоқда», дейилади мақолада.
Маълумот учун, Le Figaro – 1826 йил Францияда ташкил этилган оммабоп газета ҳисобланиб, рақамли маълумотлар тарқатишда етакчи ўринда туради. Газетанинг янгиликлар сайтига бир ойда қарийб 23,5 миллион киши ташриф буюради ҳамда газетанинг ўзи 329 минг нусхада чоп этилади.
Изоҳ қолдириш