Россияга Тошкент вилоятидан помидор ва қалампирлар олиб кириш тақиқланди
Тошкент вилоятидан келтирилган помидорларда Tomato brown fruit virus ва Pepino mosaic virus аниқланган.
“Росселхознадзор” 22 июлдан бошлаб Россияга Тошкент вилоятидан помидор ва қалампир олиб киришда вақтинчалик чекловларни жорий қилди. Бу ҳақда “Росселхознадзор” хабарида айтилган.
Бу Тошкент вилоятидан келтирилган помидорларда Tomato brown fruit virus ва Pepino mosaic virus’нинг аниқлангани билан боғлиқ.
22 июлгача жўнатилган юкларни Россия ҳудудига фақат карантин фитосанитар экспертизасидан ўтганидан кейин олиб киришга рухсат берилади.
“Росселхознадзор” хабарига кўра, Ўзбекистон мева-сабзавот маҳсулотларининг Россия бозорига кириши масаласи ҳар бир ҳолат бўйича Ўзбекистон Карантин ва ўсимликларни ҳимоя қилиш миллий ташкилоти томонидан ўтказилган текширувдан сўнг, шунингдек, ўзбек томонидан рўйхат тақдим этилганидан кейин кўриб чиқилади.
Изоҳ қолдириш