Иқтисодий тадқиқотлар ва ислоҳотлар маркази Ўзбекистондаги автомобил бозори ҳолатини таҳлил қилиш натижаларини мунтазам равишда тақдим этиб боради.
Ҳозирги шароитда енгил автомобиллар сегментида сотувларнинг умумий ўсиши кузатилмоқда, бу тўрт ойлик фаоллик пасайишидан кейин ижобий кўрсаткичдир.
Январ ойида сотувлар ўтган ойга нисбатан 9,5%га ошиб, 78,6 мингта автомобилни ташкил этди, бу бозорда фаолликнинг тикланганлигини кўрсатмоқда.
Ҳудудлар бўйича январь ойида савдоларнинг энг катта ўсиши Сурхондарё – 27%, Андижон – 25% ва Наманган – 24%га вилоятларида қайд этилди.
Ўзбекистоннинг енгил автомобиллар бирламчи бозорида ижобий ўзгаришлар кузатилмоқда. Янги енгил автомобиллар савдоси 18,5%га ўсди, бу ўтган ойга нисбатан 4,1 минг донага кўпдир. Қисқа муддатли ижобий тенденцияга қарамай, йиллик кўринишда ушбу бозор сегментидаги фаоллик 15%га камайди.
Январь ойида маҳаллий ишлаб чиқарилган янги автомобиллар савдоси ҳам ижобий динамикани кўрсатиб, 21,7 мингта автомобилни ташкил этди, бу ўтган ойга нисбатан 3,3 мингтага кўп.
Йил бошида хорижда ишлаб чиқарилган янги ва фойдаланилган енгил автомобиллар бозорида савдо ҳажми сезиларли даражада ошгани кузатилди. Январь ойида ушбу сегментдаги фаоллик 21%га ўсди, бу 4,9 мингта хорижий автомобил сотувига тўғри келади.
Бу ўсиш, айниқса, йиллик таққослаш контекстида сезиларли бўлиб, сотувлар ўтган йилнинг шу даврига нисбатан 42%га ошган.
Январь ойида енгил автомобилларнинг иккиламчи бозоридаги вазият фаолликнинг ошиши билан тавсифланади. Сотувлар 52 мингта автомобилни ташкил этиб, ўтган йилнинг декабрь ойига нисбатан 5,4%га ўсди.
Янги ва фойдаланилган енгил эллектромобиллар сегменти фаоллик ўсишини кўрсатмоқда. Йил бошида сотувлар 5,5 минг дона автомобилни ташкил этиб, 24%га ўсди.
Фойдаланилган енгил электромобилларга келсак, уларнинг савдоси йил давомида 3,1 баробар, янгилари эса 1,3 баробар ошди.
Иқтисодий тадқиқотлар ва ислоҳотлар маркази
Жамоатилик билан алоқалар бўлими
Изоҳ қолдириш