Ишбилармонлик фаоллиги индекси ноябрь ойида ўртача ўсишни давом эттирди

Компонентлар даражасида қуйидаги ўзгаришлар бўлган.

2021 йилнинг ноябрь ойида Ишбилармонлик фаоллиги индекси ўтган ойга нисбатан 3,4 фоизга ошиб, 1034 бирликни ташкил этиши, қуйидаги компонентлар даражасидаги ўзгаришларга боғлиқ бўлган:

• хўжалик юритувчи субъектларнинг банк ҳисобварақаларидаги опреациялар сони 6,2 фоизга ошган;
• фаолият кўрсатаётган хўжалик юритувчи субъектлар бўйича компонент 2,0 фоизга камайган;
• товар-хом ашё биржасида хом ашё сотиб олиш жадаллиги 4,9 фоизга ошган;
• товар белгилари бўйича компонент 10,6 фоизга сезиларли даражада ошган.

Ҳудудлар кесимида Жиззах вилоятида энг юқори ўсиш суръати қайд этилган.

2021 йил ноябрь ойида Ишбилармонлик фаоллиги индекси 13 та ҳудудда ўтган ойга (2021 йил октябрь) нисбатан ўсиш кузатилган. Жиззах (44,3%), Бухоро (43,7%), Сурхондарё (42,6%), Андижон (40,0), Самарқанд (39,1%) вилоятлари ва Қорақалпоғистон Республикасида (41,2%) сезиларли даражада ўсиш кузатилган (2-расм).

Шу билан бирга Қашқадарё (- 2,2%) вилоятида ўтган ойга нисбатан пасайиш кузатилган.

БАНК ҲИСОБ ВАРАҚАЛАРИ БЎЙИЧА ОПЕРАЦИЯЛАР

2021 йил ноябрь ойида банклараро тўлов операциялари сони 5 171,7 минг тани ташкил этди ва 2021 йилнинг октябрь ойига нисбатан 302,1 минг транзакцияга (6,2%) ошган.

Банклараро тўлов операциялари сони барча ҳудудларда ошган.

2021 йил ноябрида республиканинг барча 13 та ҳудудида юридик шахслар ўртасидаги банк операциялари сони ўтган ойга нисбатан ошган. Хусусан, сезиларли даражадаги ўсиш Наманган (11,4%), Хоразм (9,8%), Бухоро (9,1%), Сурхондарё (7,7%) вилоятлари кузатилган. Самарқанд вилоятида 0,1% гача пасайиш кузатилган.

ТОВАР-ХОМ АШЁ БИРЖАСИДАГИ ФАОЛЛИК

2021 йилнинг ноябрь ойида ИФИнинг биржа компоненти 1,0490 бирликни ташкил этди. Бу эса ушбу компонентнинг ўтган ойга нисбатан 4,9 фоизга ошганлигини англатиб, битимлар сонининг (6,2%) ҳамда ҳар бир битим бўйича сотиб олинган товарлар ўртача жисмоний ҳажмининг (3,6%) ошганлиги билан изоҳланади.

Республика товар-хом ашё биржасида товарлар савдоси умумий айланмаси ҳажми 2021 йил ноябрь ойида 5 875,1 млрд. сўмни ташкил этиб, ушбу кўрсаткич ўтган ойга нисбатан 1,7 фоизга камайган.

ХЎЖАЛИК ЮРИТУВЧИ СУБЪEКТЛАРНИНГ ФАОЛЛИГИ

Фаолият юритаётган хўжалик субъектлари бўйича компонент 2021 йил ноябрь ойида 0,9797 бирликни ташкил этиб, ўтган ойга нисбатан 2,0 фоизга камайганлигини кўрсатади. Ушбу кўрсаткич ўтган йилнинг мос даврига нисбатан ижобий ўзгариб, 8,9 фоизга ошган.

2021 йил ноябрь ойида барча турдаги фаолият юритаётган хўжалик юритувчи субъектлар сони 2021 йилнинг октябрь ойига (585 643 бирлик) нисбатан 16 365 тага камайиб, 569 275 бирликни ташкил этган.

Йирик тадбиркорлик билан шуғулланувчи корхоналар сони 6 тага камайган.

Ҳисобот даврида, кичик корхоналар сони 473 705 тадан 458 583 тага камайган (камайиш 15 167 та). Фермер хўжаликлари сони 108 893 тадан 107 698 тага (камайиш 1195 та) камайган. Йирик тадбиркорлик билан шуғулланаётган субъектлар сони 3 039 тани ташкил этиб, 2021 йилнинг октябрь ойига нисбатан 6 тага камайган.

БРEНДЛАРНИ РЎЙХАТГА ОЛИШ

2021 йил ноябрь ойида савдо белгилари муҳофазаси бўйича бизнес фаоллиги индекси 0,8945 бирликни ташкил этиб, ушбу кўрсаткич ўтган ойга нисбатан 10,6 фоизга пасайди. Жорий йилнинг ноябрь ойида юридик шахслар томонидан 339 та товар белгилари ва товар номлари рўйхатга олинган.

Ўзбекистон Республикаси ва унинг ҳудудларида ИФИ компонентларининг ўтган ойга нисбатан ўзгариши

Ўзбекистон Республикаси ва ҳудудларда ИФИ компонентларининг ўтган йилнинг мос даврига нисбатан ўзгариши

Руслан Абдуллаев, Иқтисодий тадқиқотлар ва ислоҳотлар маркази