Ўзбекистонда ишбилармонлик фаоллиги индекси апрель ойида юқори ўсишни қайд этди

Жорий йилнинг апрель ойида ИФИ компонентлари даражасидаги қуйидаги ўзгаришлар кузатилди:

- хўжалик юритувчи субъектларнинг банк ҳисоб-варақларидаги операциялар сони бўйича компонент 8,3 фоизга ортган;

- товар-хом ашё биржасида хом-ашё сотиб олиш жадаллиги 5,4 фоизга ошган;

- фаолият кўрсатаётган хўжалик юритувчи субъектлар бўйича компонент 1,7 фоизга ортган;

- товар белгилари бўйича компонент 33,9 фоизга ортган;

Шунингдек, 2026 йил апрел ойида ИФИ барча ҳудудда ўтган ойга нисбатан ўсиши кузатилган (График №2).

Жумладан, Қорақалпоғистон (46,2 %), Наманган (43,0 %), Жиззах (41,1 %) ва Сирдарё вилоятида (38,1 %) сезиларли даражада ўсиш кузатилган (Жадвал №1, 2).

Ҳисобот даврида банклараро тўлов операциялари сони 7 641,3 минг тани ташкил этиб, 2026 йилнинг март ойига нисбатан 588,8 минг транзаксияга (8,3%) ортган.

Банклараро тўлов операциялари сони 12 та ҳудудда ортган. Хусусан, Тошкент ш. (9,8 %), Тошкент (9,1 %), Сирдарё (9,0 %) вилояти ва Қорақалпоғистон Республикасида (8,1 %) юридик шахслар ўртасидаги банк операциялари сони ўтган ойга нисбатан сезиларли ортган. Бу кўрсаткич Хоразмда 4,4 % ва Андижон вилоятида 3,7 %га камайган.

Жорий йилнинг март ойида ИФИнинг биржа компоненти 1,0543 бирликни ташкил этган (ўтган ойга нисбатан 5,4 фоизга ортган). Бунда, ҳар бир битим бўйича сотиб олинган товарларнинг ўртача ҳажми 15,0 фоизга ортганлиги ва тузилган битимлар сони 4,1 фоизга камайганлиги кузатилди.

Республика товар-хом ашё биржасида асосий 34 турдаги товарлар савдосининг умумий айланмаси ҳажми 2026 йил апрел ойида 8 532 млрд. сўмни ташкил этиб, ушбу кўрсаткич ўтган ойга нисбатан 14,4 фоизга ортган.

Бунда, биржа савдолардаги ушбу фаолликда саноат мойи савдоси ҳажмининг ўтган ойга нисбатан 208,5 бараварга, битум 2,6 баравар, пахта мойи 1,9 баравар ва дизел ёқилғиси 1,6 бараварга ортиши асосий омил ҳисобланади.

Ҳисобот даврида фаолият юритаётган хўжалик субъектлари компоненти 1,0170 бирликни ташкил этиб, олдинги ойга нисбатан 1,7 фоизга ортган. Бунда:

- барча турдаги фаолият юритаётган хўжалик юритувчи субъектлар сони олдинги ойга нисбатан 3 682 бирликка ортиб, 514,7 мингтани ташкил этган;

- йирик тадбиркорлик билан шуғулланувчи корхоналар сони эса 221 тага ошиб, 4 940 тани ташкил этган;

- кичик корхоналар сони 3,6 мингтага ортиб, 420,9 мингтага етган.

Шунингдек, фермер хўжаликлари сони 141 тага камайиб, 88,9 мингтани ташкил этган.

2026 йилнинг апрел ойида савдо белгилари бўйича компонент 1,3392 бирликни ташкил этиб, ўтган ойга нисбатан 33,9 фоизга ортган. Мазкур даврда юридик шахслар томонидан 529 та товар белгилари ва товар номлари рўйхатга олинган.

Жадвал №1

Ўзбекистон Республикаси ва минтақалар бўйича ИФИ компонентларининг ўтган ойга нисбатан ўзгариши

Жадвал №2

Ўзбекистон Республикаси ва минтақалар бўйича ИФИ компонентларининг ўтган йилнинг мос ойига нисбатан ўзгариши

Ислом Сапарматов

Иқтисодий тадқиқотлар ва ислоҳотлар маркази

Жамоатчилик билан алоқалар бўлими