22 iyun kuni O‘zbekiston bosh vaziri Abdulla Aripov Rossiya federatsiyasi hukumati rahbari Mixail Mishustin bilan uchrashdi.
O‘zbekistonning Yevroosiyo Iqtisodiy Ittifoqidagi (YeOII) keng ko‘lamli ishtiroki mamlakat iqtisodiyotining o‘sishi uchun imkoniyatlar yaratadi, dedi Rossiya bosh vaziri O‘zbekiston hukumatlari rahbarlari darajasidagi qo‘shma komissiya yig‘ilishida.
Uning so‘zlariga ko‘ra, O‘zbekiston YeOIIda kuzatuvchi sifatida qatnashib, «uyushma faoliyati, iqtisodiy hamkorlikning eng muhim masalalariga taalluqli qarorlarni tayyorlash va qabul qilish tartibi bilan batafsil tanishishi, ittifoq doirasida to‘siqlar, imtiyozlar va cheklovlarsiz tovarlar, xizmatlar, kapital va ishchi kuchi uchun umumiy bozorlarni yaratishda mavjud bo‘lgan tajribaga nazar tashlashi mumkin».
«Ishonchim komilki, YeOIIda to‘laqonli ishtirok etish O‘zbekiston iqtisodiyotining o‘sishi uchun qo‘shimcha imkoniyatlar va O‘zbekiston fuqarolari uchun sezilarli ustunliklar yaratadi» — dedi Mishustin.
Mishustin Rossiya va O‘zbekiston o‘rtasida qo‘shma loyihalarni ishlab chiqishga, shuningdek, muammolarga, shu jumladan pandemiyaga qarshi birgalikda kurashishga chaqirdi.
Rossiya bosh vaziri ikki tomonlama munosabatlar haqida gapirar ekan, o‘tgan yili Rossiya va O‘zbekiston o‘rtasidagi tovar ayirboshlash hajmining 15 foizdan oshib, qariyb 6 mlrd dollarni tashkil etganini va ikki mamlakat o‘rtasidagi hamkorlik doirasida agro-logistika majmualari, Rossiya hududida, shuningdek, O‘zbekistonda ulgurji tarqatish markazlari tashkil etilayotganini ta’kidladi. Bundan tashqari, transport va logistika koridorlarini ochish rejalashtirilgan.
«Bizda barcha sohalarda hamkorlik qilish uchun katta imkoniyatlar mavjud. Sanoat, yoqilg‘i-energetika kompleksi, shu jumladan tinch atom energiyasidan foydalanish, tibbiyot va ta’lim, raqamli iqtisodiyot va umuman yuqori texnologiyalar sohasidagi hamkorlikni jiddiy ravishda kengaytirishni zarur deb o‘ylayman», — dedi Rossiya hukumati rahbari.
Bundan tashqari, davlat kadastrini baholash tizimini yaratish bo‘yicha pilot loyiha amalga oshirilayotgani qayd etildi.
Ma’lumotga ko‘ra, joriy o‘quv yilida Rossiyada o‘qish uchun O‘zbekiston fuqarolariga 200 dan ortiq stipendiyalar ajratilgan. Keyingi o‘quv yili uchun esa 400 ga yaqin grant ajratilishi rejalashtirilmoqda.
Moskva shahridagi VDNX (Xalq xo‘jaligi yutuqlari ko‘rgazmasi) da «O‘zbekiston» pavilonining ochilishi kutilayotgani ta’kidlandi.
«Biz ikki mamlakat bojxona va fitosanitariya idoralari uchun „yashil koridor“ tamoyili bo‘yicha muntazam „Agroekspress“ blok-poyezdini tashkillashtirish bilan bog‘liq masalalar bo‘yicha ishlarni tezlashtirishni zarur deb hisoblaymiz, bu esa qishloq xo‘jaligi mahsulotlarini besh kundan ortiq bo‘lmagan muddatda yetkazib berishning maksimal vaqtini ta’minlaydi», — dedi Abdulla Aripov.
Shu bilan birga, yig‘ilishda O‘zbekiston va Rossiya o‘rtasida muntazam parvozlar sonini ko‘paytirish to‘g‘risidagi qarorga to‘xtalib o‘tildi. Ushbu yo‘nalishda birgalikda ishlashni davom ettirish va zarur karantin talablariga rioya qilingan holda paritet asosida muntazam parvozlar sonini haftasiga 14 taga yetkazish taklif qilindi. Shuningdek, mamlakatlar o‘rtasida eng mashhur yo‘nalishlarda yo‘lovchi temir yo‘l aloqalarini bosqichma-bosqich tiklash taklifi ham qayd etib o‘tildi.
Keyingi o‘quv yilida Rossiya universitetlarining yana uchta filialini — Sankt-Peterburg konchilik universiteti, VGIK va Qozon federal universitetlarini O‘zbekistonda ochish rejalashtirilgan.
Yangi o‘quv yilidan boshlab yana 200 nafar mutaxassis-o‘qituvchilarning O‘zbekistonga kelishi kutilmoqda.
Izoh qoldirish