Август ойида инфляция даражаси 0,5% даражасида бўлиши кутилмоқда

Август ойида инфляция даражаси 0,5% даражасида бўлиши кутилмоқда

Давлат статистика қўмитасининг дастлабки маълумотларига кўра, август ойида икки ойлик дефляциядан сўнг товарлар ва хизматлар нархларининг ўртача даражаси 0,5 %га ўсиши кутилмоқда. Жорий йил бошидан буён нархларнинг ўсиши 4,8% ни ташкил этади (2019 йил январь-август - 8,2%). Шу билан бирга, биринчи марта инфляция йиллик кўрсаткичда (2019 йил августдан 2020 йил августгача) 11,6 %гача (жорий йилнинг июль ойида 14,3 фоиз) пасайганлигини таъкидлаш лозим.

Дастлабки ҳисоб-китобларга кўра:

1.Жорий йилнинг август ойида озиқ-овқат маҳсулотлари 0,3% га қимматлашди

Озиқ-овқат маҳсулотлари нархлари ўсишининг асосий омили сабзавот (7%), гўшт (1,9%) ва ёғ (1,4%) маҳсулотлари, шунингдек, умумий овқатланиш (1,3%) нархларининг ўсиши бўлди. Бунга ўз навбатида карантин чекловларининг бекор қилиниши, аҳолининг заиф қатламларига ижтимоий ёрдам кўрсатишнинг оқибатида талабнинг ўсиши сабаб бўлиши мумкин.

1-расм. 2020 йил август ойи учун вилоятларда сабзавот нархларининг индекси, (%)

Гўшт маҳсулотларининг нархи 1,9% га, ёғ маҳсулотлари 1,4% га ўсди.

2-расм. 2020 йил август ойи учун турли хил гўшт турларининг нархлари индекси, (%)

Мева ва сабзавотлар нархларининг мавсумий пасайиши давом этди (2,9%). Хусусан, мева нархи 7,6 фоизга, картошка 1,7 фоизга арзонлашди. Қовун ва тарвуз (-26%), узум (-22%), олма (-18%), нок (-12%), помидор (-11%) ва булғор қалампири (-10%) нархлари анча пасайган.

3-расм. 2020 йил август ойи учун вилоятларда мевалар нархлари индекси, (%)

2.Бир ой давомида ноозиқ-овқат маҳсулотлари 0,8 фоизга ўсди

Инвестиция фаоллигининг ошиши, қурилиш ва таъмирлаш ишлари ҳажмининг ўсиши асосий қурилиш материаллари нархларига (3,9%) таъсир қилди. Цементнинг чакана нархи + 17% га ўсди. Автомобиллар учун ёқилғи нархи + 2% га кўтарилди.

Маълумот учун: жорий йилнинг 24 июлидан 24 августигача цементнинг биржа нархи бир тонна учун 845,5 минг сўмдан 729 минг сўмгача пасайди (-14%), бу жорий йилнинг сентябрь ойида инфляция даражасига чек қўяди.

  1. Аҳолига пуллик хизматлар бир ой ичида + 0,4 фоизга қимматлашди

Аҳолига маиший хизматлар + 0,8%га, йўловчи транспорти хизматлари + 1,34% га ўсди. Ҳаво транспорти деярли + 7 % қимматлашди.

Вилоятлар кесимида нархларнинг сезиларли даражада ўсиши Тошкент (0,8%), Навоий вилояти (0,7%), шунингдек, Қорақалпоғистон Республикаси ва Тошкент вилоятида (0,6%) қайд этилди.

Ўзбекистон Республикаси Президенти администрацияси ҳузуридаги Иқтисодий тадқиқотлар ва ислоҳотлар марказининг жамоатчилик билан алоқалар хизмати

Мақолани улашинг

Ўхшаш янгиликлар