“Аҳолини уй-жойлар билан таъминлаш тизимида амалга оширилаётган ислоҳотларнинг ижтимоий-иқтисодий аҳамияти” мавзусида очиқ мулоқотда Марказий банк ипотека кредитларининг умумий миқдорини эълон қилди.
Сўнгги 4 йил ва 2021 йил 3 ойида тижорат банклари томонидан 232,4 минг нафар фуқарога 27,5 трлн. сўм (2,6 млрд доллар) миқдорида ипотека кредитлари ажратилди.
Натижада жорий йил I чорак якунлари бўйича ажратилган ипотека кредитлари қолдиғи 29,4 трлн. сўмни (2,8 млрд доллар) ташкил этиб, 2016 йилга нисбатан қарийб 4 бараварга ошди.
Очиқ мулоқотда Марказий банк, Молия вазирлиги, Иқтисодий тараққиёт ва камбағалликни қисқартириш вазирлиги, Қурилиш вазирлиги, Маҳалла ва оилани қўллаб-қувватлаш вазирлиги ҳамда Халқ таълими вазирлиги мутасаддилари иштирок этди.
2020 йил ва 2021 йил 19 апрелига қадар Янги тартиб доирасида 12 138 нафар фуқароларга жами 2 638 млрд. сўм миқдоридаги (2020 йилда 1 747 млрд. сўм ва 2021 йилда 891 млрд. сўм) ипотека кредитлари ажратилди.
Шунингдек, мазкур давр давомида Янги тартиб доирасида уй-жой шароитларни яхшилашга муҳтож, субсидия хабарномасига эга 3 370 нафар фуқароларга 743,1 млрд. сўм миқдорида ипотека кредитлари ажратилди.
Изоҳ қолдириш