Тошкент вилоятида 40 дан ортиқ давлатдан 350 нафарга яқин хорижлик бизнес соҳаси вакиллари, инвесторлар иштирок этаётган “Invest in Tashkent Region” халқаро инвестицион форумининг биринчи кунида қиймати 1 миллиард доллардан ортиқ бўлган келишувларга эришилди.
Хусусан, хорижлик инвесторлар билан қишлоқ хўжалиги, қурилиш, туризм, тиббиёт, логистика каби қатор йўналишлар бўйича муҳим келишувларга эришилди.
Жумладан, Тошкент вилояти ҳокимлиги ва Жанубий Кореянинг “Dongil construction” компанияси ўртасида лойиҳа қиймати 400 миллион долларни ташкил этувчи замонавий кўп тармоқли шаҳарча барпо этиш, Хитойнинг “Phoenix international wisdom technology investmen” компанияси билан Нурафшон шаҳар ҳокимлиги ўртасида лойиҳа қиймати 500 минг долларни ташкил этувчи мамлакатимиздаги илк ақлли шаҳар – “Smart Sity” қурилиши лойиҳаси доирасида муҳим келишувларга эришилди.
Форум доирасида шунингдек, Эрон, Филиппин, Туркия, Германия, Россия каби қатор давлатлардан келган инвесторлар билан қатор йўналишларда ишлаб чиқаришни ташкил этиш бўйича келишувга эришилиб, келишувга доир ҳужжатлар имзоланди.
Изоҳ қолдириш