Ёшларга кўрсатилаётган кўмак ҳажми ортади
Ёш тадбиркорларни қўллаб-қувватлаш жамғармаси ташкил этилади ва унинг фаолиятини йўлга қўйиш учун қайтармаслик шарти билан $100 млн ажратилади.
Президент ёшларга оид навбатдаги фармон ва қарорни имзолади. Уларга кўра:
- 2023 йил 1 январга қадар иш берувчиларга улар томонидан 25 ёшдан ошмаган ходимлар учун ижтимоий солиқ суммаси Давлат бюджетидан тўлиқ қайтариб берилади;
- “Ёшлар дафтари”даги ишсиз ёшларни ишга олган тадбиркорларга давлат мулки ижараси бўйича имтиёзлар берилади;
- 1 июндан бошлаб “Ёшлар дафтари”га киритилган ёшларга:
- уруғлик ва кўчат хариди учун 2 млн сўмгача субсидия берилади;
- тадбиркорлик учун олинган биноларнинг ижара харажатларининг 30 фоизи компенсация қилинади;
- профессионал таълим ташкилотлари ўқувчиларига корхоналарда амалиёт ўтган вақти учун 6 ой давомида 490 минг сўмдан субсидия тўланади;
- Ёшлар ишлари агентлиги қошида Ёшларга оид давлат сиёсатини қўллаб-қувватлаш жамғармаси ташкил этилмоқда ва Давлат бюджетидан жамғармага 100 млрд сўм ажратилмоқда;
- Давлат бюджетидан тўланадиган субсидиялар, компенсациялар ва бошқа имтиёзларни ажратишда ошкораликни таъминлаш, бюрократик тўсиқ ва коррупциянинг олдини олиш мақсадида Молия вазирлиги томонидан 2 ой муддатда махсус электрон платформа ишга тушурилади;
- республиканинг 200 та туман ва шаҳарларида 936 га ер майдонларида 219 та Ёшлар саноат ва тадбиркорлик зоналари ташкил этилади;
- Инвестициялар ва ташқи савдо вазирлигида Ёш тадбиркорларни қўллаб-қувватлаш жамғармаси ташкил этилади ва унинг фаолиятини йўлга қўйиш учун Тикланиш ва тараққиёт жамғармаси маблағлари ҳисобидан қайтармаслик шарти билан $100 млн ажратилмоқда.
Аввалроқ, ёшлар бандлигини таъминлаш ва бўш вақтини мазмунли ташкил этиш борасида белгиланган вазифалар тўғрисида маълум қилган эдик.
Изоҳ қолдириш