Сўнгги ўн йилда Хитой экспорти таркиби сезиларли даражада ўзгарди. Автомобиллар, саноат ускуналари, кимё маҳсулотлари ва сунъий интеллект инфратузилмаси учун компонентлар экспорти ошди. Шу билан бирга, пойабзал, кийим-кечак ва мебель экспорти қисқарди ёки деярли ўзгармади.
2015–2025 йилларда автомобиллар экспорти 20 баробарга, саноат роботлари экспорти 300 фоиздан зиёдга ошди. Хитой станоклар экспорти бўйича Германиядан ўзиб кетди.
2026 йилнинг биринчи ярмида микрочиплар экспорти икки баробарга ошиб, 177,3 млрд долларга етди. Компьютерлар ва серверлар экспорти эса 41,3 фоизга ўсди.
Бу ўзгаришлар саноатни узоқ йиллар давомида давлат томонидан қўллаб-қувватлаш билан боғлиқ. OECD маълумотларига кўра, Хитойнинг кимё саноати компаниялари 10 йилда 75 млрд доллар субсидия олган.
Samsung Electronics прогнозларига кўра, 2027 йилда сунъий интеллект учун чипларга талаб таклифдан сезиларли даражада юқори бўлади. Тақчиллик 2028 йилгача сақланиши кутилмоқда.
2026 йилнинг учинчи чорагида Samsung компаниясининг операцион фойдаси қарийб 9 баробарга ошиб, 80 млрд долларга, яримўтказгичлар бўлинмаси фойдаси эса 15 баробарга ошиб, 79,5 млрд долларга етди. 2027 йил учун HBM хотира чипларининг барча етказиб бериш ҳажмлари бўйича шартномалар тузиб бўлинган.
Компания 2026 йилда яримўтказгичлар ишлаб чиқаришига капитал қўйилмаларни 62 фоизга оширишни, 2027 йилда эса инвестицияларни янада кўпайтиришни режалаштирмоқда.
Хитойнинг Z.AI компанияси томонидан ишлаб чиқилган GLM-5.3 сунъий интеллект модели Irregular тадқиқот компанияси ўтказган назоратли синовларда мураккаб киберҳужумларнинг 13 та сценарийсидан 3 тасини муваффақиятли бажарди.
Бу очиқ параметрли сунъий интеллект моделлари орасида энг юқори натижа бўлди. Синовлар модель ҳимояланган тизимларга кириш ва компьютер тармоқларида кетма-кет амалларни бажариш имкониятини кўрсатди.
Бироқ Хитой модели ҳозирча АҚШнинг етакчи сунъий интеллект ишланмаларидан ортда қолмоқда.
Изоҳ қолдириш