Aprel oyida O‘zbekistonda inflyasiya 1,5 foizni tashkil etdi
Joriy yilning aprel oyida oziq-ovqat mahsulotlari narxi qanday o‘zgargan.
O‘zbekiston Davlat statistika qo‘mitasi iste’mol sohasidagi inflyasiyani 2021 yilning to‘rt oyi davomida hisoblab chiqdi.
Oziq-ovqat mahsulotlari narxlari o‘tgan yilning shu davriga nisbatan 13,6 foizga o‘sdi. 2019 va 2020 yillardagi tahlillar shuni ko‘rsatadiki, 2019 yilda oziq-ovqat inflyasiyasi 2018 yilning mos davriga nisbatan 16 foizni, 2020 yilning to‘rt oyida esa 19,1 foizni tashkil etdi.
2021 yil aprel oyida iste’mol bozorida tovarlar va xizmatlar o‘rtacha 1,5% ga qimmatlashdi, deb xabar beradi Davlat statistika qo‘mitasi. Yil boshidan buyon ular uchun narxlarning o‘sishi 4,1% ni tashkil etib, o‘rtacha oylik qiymati 1% ni tashkil etdi. Yillik hisobda (2020 yilning aprel oyiga kelib) narx-navoning o‘sishi 10,7% ga yetdi.
Aprel oyida oziq-ovqat mahsulotlari 3 foizga, nooziq-ovqat mahsulotlari 0,4 foizga, xizmatlar 0,5 foizga qimmatlashdi.
Oziq-ovqatlar va spirtsiz ichimliklardan 2021 yil aprel oyida narxlar o‘sishi bo‘yicha yog‘-
moy mahsulotlari sezilarli ustunlik bilan yetakchilik qilib, oy davomida 21,6 % ga qimmatlashdi. Bundan tashqari, meva-sabzavot mahsulotlari (3,0-4,6 %) va shakar, qandolat mahsulotlari va desertlar (2,4 %) sezilarli darajada qimmatlashdi.
Oziq-ovqat mahsulotlari va spirtli ichimliklar asosiy guruhlari orasida 2021 yilning yanvar aprelida narxlar oshishi bo‘yicha yetakchilik yog‘-moy mahsulotlariga (26,8 %) tegishli bo‘ldi. Yetakchi uchlikka shuningdek, sabzavotlar, ildizmevalilar, plantaynlar va dukkaklilar (12,9 %)
hamda mevalar va yong‘oqlar (10,8 %) kirdi.
Yillik nisbatda, yog‘-moy mahsulotlari (1,6 barobar), shakar, qandolat mahsulotlari va desertlar (15,3 %), sut, boshqa sut mahsulotlari va tuxum (14,6 %) hamda go‘sht mahsulotlari yuqori darajada qimmatlashdi (14,5 %).
Hisob-kitoblarga ko‘ra, tovarlar va xizmatlar narxlari oshishining umumiy ta’sirida nooziq-ovqat mahsulotlar ta’siri ulushi 9,2 % ni, aholiga pullik xizmatlar ta’siri ulushi 7,2 % ni tashkil etdi.
2021 yilning yanvar-aprelida oziq-ovqat mahsulotlari 6,2 % ga qimmatlashib, 2020 yil mos
davridagi ko‘rsatkichdan 1,5 foiz bandga va 2019 yildagi mos ko‘rsatkichdan 1,2 foiz bandga past
bo‘ldi.
Yil boshidan turar joylarga xizmat ko‘rsatish va ta’mirlash uchun materiallar 2,9 % ga (2020- yil apreliga nisbatan 12,4 %), turar joylarga xizmat ko‘rsatish va ta’mirlash xizmatlari 2,4 % ga (15,3 %), sovuq suv va kanalizatsiya uchun to‘lovlar 1,6 barobarga (1,9 barobar), ko‘p qavatli uylarga xizmat ko‘rsatish 1,7 % ga (2,2 %), chiqindilarni to‘plash va olib ketish uchun to‘lovlar 1,1 % ga (3,2 %) qimmatlashgan.
Izoh qoldirish