Issiqxonalar o‘rnatish uchun subsidiyalar ajratiladi
20 maydan boshlab Bandlikka ko‘maklashish davlat jamg‘armasi mablag‘lari hisobidan 3 baravardan 30 baravargacha miqdorda subsidiyalar ajratiladi.
“Tomorqa yer egalarini qo‘llab-quvvatlash va aholi bandligini ta’minlash bo‘yicha qo‘shimcha chora-tadbirlar to‘g‘risida” Prezident qarori qabul qilindi.
Qarorga muvofiq, 2020 yil 20 maydan boshlab Bandlikka ko‘maklashish davlat jamg‘armasi mablag‘lari hisobidan quyidagi miqdorda subsidiyalar ajratiladi:
Aholi bandligiga ko‘maklashish markazi, yetkazib beruvchi tashkilotlar va tomorqa yer egalari o‘rtasida tuzilgan uch tomonlama shartnomalar asosida:
- yengil konstruksiyali issiqxonalar o‘rnatish uchun – BHMning 30 baravarigacha;
- sug‘orish vositalari xarid qilish uchun – BHMning 10 baravarigacha;
- urug‘lik va ko‘chatlar sotib olish uchun – BHMning 3 baravarigacha.
qishloq xo‘jaligi kooperativlari ustav fondiga ulush sifatida kiritishi uchun - BHMning 10 baravarigacha (bunda, qishloq xo‘jaligi kooperativlari baliqchilik, quyonchilik, parrandachilik, asalarichilik, meva-sabzavotchilik, uzumchilik, tikuvchilik, hunarmandchilik va boshqa ilg‘or sohalarda tashkil etiladi).
Izoh qoldirish