Iqisodiy tadqiqotlar va islohotlar markazi direktori Obid Xakimov sammit arafasida Prezident Shavkat Mirziyoyev bilan bo‘lgan intervyuga bergan sharhida Markaziy Osiyoning Yevropa Ittifoqining iqtisodiy hamkori sifatidagi ahamiyatiga to‘xtalib, barqaror iqtisodiy aloqalar va qo‘shma tashabbuslar yaratish uchun ushbu mintaqalar integratsiyasi muhimligini ta’kidladi.
Bugun, 3 aprel kuni Samarqand shahrida "Markaziy Osiyo - Yevropa Ittifoqi" birinchi sammiti o‘z ishini boshladi.
Ushbu muhim voqea arafasida O‘zbekiston Prezidenti Shavkat Mirziyoyev «Euronews» telekanaliga eksklyuziv intervyu berdi.
Iqtisodiy tadqiqotlar va islohotlar markazi direktori Obid Xakimov davlatimiz rahbarining «Euronews»ga bergan intervyusi yuzasidan va sammitdan kutilayotgan natijalar haqida “O‘zbekiston24” telekanaliga o‘z fikrlarini bildirdi.
“Prezidentimiz tomonidan «Euronews» telekanaliga berilgan intervyu tahliliga e’tibor qaratadigan bo‘lsak, Markaziy Osiyo va YeI mamlakatlari o‘rtasidagi aloqalar oxirgi 7 yil ichida keskin o‘zgardi va rivojlanish dinamikasiga ega bo‘ldi. Birgina savdo aylanmasi to‘rt barobar oshib, 54 mlrd dollarga yetgan.
Bundan tashqari O‘zbekiston Respublikasi miqiyosida olib qarasak, bizning ham YeI bilan savdo aloqalarimiz 2,5 barobarga oshib, qisqa vaqt ichida qariyb 6,5 mlrd dollarni tashkil etdi. Ayni vaqtda mamlakatimizda mingdan ortiq Yevropa kapitaliga ega bo‘lgan korxonalar faoliyat yuritmoqda.
Sammitning tarixiy ahamiyati haqida gapiradigan bo‘lsak, azaldan Samarqand shahri g‘arb va sharqni bog‘lab turuvchi, ipak yo‘lining eng durdona shaharlaridan biri bo‘lgan. Samarqand nafaqat savdo uchun, balki madaniy markazlardan biri hisoblangan.
Prezidentimiz tomonidan intervyuda aytib o‘tilganidek, qadimda Amir Temur bobomiz ham mana shu Samarqand shahrida turib YeI mamlakatlari bilan munosabatlar o‘rnatib, savda-sotiqni yo‘lga qo‘ygan. 6-7 asrlar o‘tgandan keyin Samarqand shahri hozirgi Yangi O‘zbekiston davrida yana birkarra g‘arb va sharqni tiklovchi, yirik mintaqalarni bog‘lovchi shaharga aylanmoqda. Bu sammitda ikki mintaqa uchun dolzarb bo‘lgan masala ko‘rib chiqiladi. Masalan, YeI biz uchun qanday qiziqishlarni uyg‘otadi deydigan bo‘lsak, Markaziy Osiyo hozirda 80 mln aholisiga va 450 mlrd dollar yalpi ichki mahsulotiga ega bo‘lgan bir hudud hisoblanadi. Bu hududda 30 mlrd barrel neft, 20 trln kub gaz, 4 ming GVt quyosh, 350 GVt shamol kabi dunyoda eng katta kritik minerallarni yetkzib beruvchi 20 ta mamlakatlardan eng asosiylari Markaziy Osiyo mamlakatlarida joylashgan. YeI 450 mln aholiga hamda 17 trln yevrolik YaIM ega bo‘lgan yirik hudud. Bu hudud biz uchun juda ham katta iqtisodiy imkoniyatlarni ochib beradi”, dedi Iqtisodiy tadqiqotlar va islohotlar markazi rahbari.
Izoh qoldirish